Ribadeo, 18 de maio de 2022. Nos Concellos de Ribadeo e Barreiros continúa desenvolvéndose o obradoiro de emprego Territorio Vivo, un programa para persoas mozas cofinanciado no 91% polo Fondo Social Europeo e pola iniciativa de emprego xuvenil e na porcentaxe restante pola Consellería de Emprego e Industria. O alumnado ultima visitas interpretativas pola ría ribadense e pola praia de Altar e a posta en marcha dun centro de interpretación virtual do patrimonio natural de ambos concellos.
Desde a Concellaría de Desenvolvemento Local de Ribadeo explican que “a especialidade de Interpretación e Educación Ambiental, na que participan 8 rapaces e rapazas, está a realizar os seguintes traballos: por unha banda, desde o mes de outubro a alumnado e a monitora puxeron en marcha unha horta ecolóxica no CEIP Gregorio Sanz, de Ribadeo, no que 220 nenos e nenas están a participar no seu coidado e nas actividades de educación ambiental deseñadas e relacionadas coa citada horta. Esta actividade ten como obxectivo concienciar aos participantes sobre a importancia da sostenibilidade, educar en valores e estimular o traballo cooperativo. E simultaneamente, están a realizar talleres de alimentación de proximidade dirixidos aos escolares dos colexios de San Miguel de Reinante e San Cosme de Barreiros para sensibilizar sobre os beneficios dunha alimentación sostible e saudable. E, por último, están a elaborar os contidos que serán incluídos en paneis informativos e folletos dixitais dunha ruta circular pola fraga de Santo Estevo do Ermo, en Barreiros. Así como o deseño dun horto ecolóxico en mesas de cultivo que se instalará na residencia municipal de Ribadeo proximamente”.
E engaden que “os seguintes puntos de intervención de cara aos últimos meses do obradoiro que rematará o 12 de agosto, serán dous: por unha banda o deseño e a posta en marcha de visitas interpretativas pola ría de Ribadeo e pola praia de Altar, dirixidos a tódolos públicos, que se ofertarán nas oficinas de turismo dos Concellos de Ribadeo e Barreiros durante os meses de verán. Con estes roteiros preténdese poñer en valor a riqueza do patrimonio natural que ámbolos dous concellos atesouran e sensibilizar, no caso da praia de Altar, acerca da importancia de conservar o ecosistema dunar como hábitat da píllara das dunas, especie vulnerable no catálogo galego de especies ameazadas. E en segundo lugar a creación dun centro de interpretación virtual do patrimonio natural dos concellos no que se recollerá un rexistro dos distintos bens que o compoñen, detallando as súas características, o emprazamento e fotografías dos mesmos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
