Corresponden ás achegas dos programas para a contratación de perceptores da Risga, socorristas e o Aprol Rural
O Vicedo, 26 de maio de 2022. Os concellos da Mariña están tramitando a contratación dun centenar de traballadores e traballadoras co financiamento da Consellería de Promoción do Emprego e Igualdade a través de tres programas de axudas, que suman un investimento de 804.745 euros na comarca.
O delegado territorial da Xunta en Lugo, Javier Arias, explicou que se trata en concreto de 97 traballadores desempregados os que se incorporarán nas vindeiras semanas aos servizos municipais en todos os concellos da Mariña. 50 contratos corresponden á orde de apoio para socorristas, 25 á de Aprol Rural, e 22 á convocatoria para sufragar a contratación de persoas perceptoras da Risga (Renda de Integración Social de Galicia).
A data tope para a alta dos contratos financiados a través do Aprol Rural é o 15 de xuño, e nos outros dous casos poden asinarse ata o 1 de xullo. Son os propios concellos os que xestionan as contratacións, mediante a presentación da correspondente oferta de emprego nas oficinas públicas de emprego.
Os concellos de Foz, Ribadeo, Viveiro e Burela suman 12 novos traballadores cada un, con achegas que van desde os 112.130 euros aos 94.000 euros. O Vicedo contratará a dez persoas, Xove a nove, Cervo a oito e Mondoñedo a seis. Haberá tres traballadores máis en Barreiros, A Pontenova, Trabada e Ourol; dous en Lourenzá e un en Alfoz e O Valadouro.
Duración e funcións
A duración dos contratos financiados oscila entre os dous meses -para os socorristas- e os nove meses. No caso do Aprol Rural deben ser a xornada completa, e dedicaranse a labores de mantemento e aproveitamento das faixas secundarias definidas pola Lei de prevención e defensa contra os incendios forestais de Galicia, como son a planificación preventiva, a valorización forestal, a silvicultura, a limpeza de montes ou a xestión da biomasa.
O programa para persoas perceptoras da Risga establece a cobertura dos gastos salariais totais derivados da contratación por un período máximo subvencionable de 9 meses, asumindo do 50% ao 75% da xornada. Encargaranse de realizar obras ou servizos de interese xeral nos seus respectivos municipios.
Deste xeito, afirmou Arias, “a Xunta reforza os servizos municipais ao tempo que proporciona a persoas desempregadas un contrato temporal que lles permita adquirir a práctica profesional necesaria para facilitar a súa inserción laboral, con especial atención aos colectivos más vulnerables”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
