A AFG explicará as súas propostas e someteraas a debate, co fin de enriquecelas e definir a súa postura oficial ante a Administración
O Valadouro, 14 de maio, 2022. No marco do proceso de revisión da Lei de Montes Veciñais en Mancomún, que está a acometer a Xunta, a Asociación Forestal de Galicia programou unha serie de reunións con comunidades de montes para trasladarlles as propostas da AFG. Estas propostas, que recollen as inquietudes dos montes veciñais socios da Asociación, someteranse a debate e enriqueceranse coas novas achegas que se formulen nestes encontros.
Un dos encontros desenvolverase este luns 16 de maio no Valadouro, a partir das 19.30 horas no local social da comunidade de montes da Laxe.
Desde xaneiro deste ano, a Consellería do Medio Rural iniciou o proceso para modificar a Lei de montes veciñais en man común. A tal efecto solicitou dos membros do Consello Forestal de Galicia (do que forma parte a Asociación Forestal de Galicia) que achegaran unha relación dos puntos que cada organización consideraba fundamental revisar, mellorar e/ou borrar ou ampliar na lei actual.
A AFG ten recompilado os problemas máis destacables que presenta a actual redacción da lei de montes veciñais en man común, a partir da súa experiencia de 36 anos traballando coas comunidades de montes. Estas ideas recóllense nun documento que xa se lle presentou á Consellería do Medio Rural. Nas reunións da próxima semana, este documento debaterase e enriquecerase coas novas achegas das comunidades de montes. Todo isto dará corpo á postura oficial que a Asociación Forestal de Galicia asumirá.
Polo de agora, non se dispón de ningún texto sobre a nova lei. De feito, non está aínda decidido se se fará unha revisión en profundidade da actual lei de montes veciñais, que data do 1989 (con sucesivas modificacións), ou se se elaborará unha nova lei para regular as propiedades comunais.
As reunións que se celebrarán a próxima semana serán as seguintes:
16 de maio, local social da CMVMC da Laxe, O Valadouro, ás 19.30 h
18 de maio, local da Asociación de Veciños de San Xoán de Laíño, Dodro, ás 19.30 h
20 de maio, Centro Cultural Xinzo, Ponteareas, ás 19.30 h
Paralelamente, a Asociación Forestal lembra que está aberto un proceso de participación pública no Portal de Transparencia da Xunta de Galicia, que permanecerá aberto ata o 24 de maio de 2022, e no que pode formular propostas calquera cidadán ou entidade.
Propostas
Entre as cuestións que cómpre precisar na revisión da lei de montes veciñais, a Asociación Forestal de Galicia destaca puntos como os seguintes:
Condición de veciño/a comuneiro/a: É preciso aclarar que persoas poden acadar a condición de comuneiro/a, xa que é un motivo habitual de disputa. Por outra parte, é necesaria unha certa flexibilidade para facilitar o funcionamento de comunidades do interior galego, en franco declive poboacional.
Orixe xermánico: Introducir na lei o concepto de colectividade de orixe xermánico das comunidades de montes veciñais.
Recoñecemento xurídico. Nos últimos anos ampliouse a capacidade xurídica de obrar das comunidades de montes veciñais e debe recoñecerse na lei. Quizás hoxe se poida formular o recoñecemento da personalidade xurídica plena das comunidades de montes veciñais, dada a práctica perdida dos aproveitamentos individuais dos comuneiros sobre o monte.
Clasificación do monte: debe actualizarse a composición do Xurado Provincial de Montes Veciñais en Man Común (artigo 10), introducindo un maior compoñente técnico e unha nova forma de elixir, por municipio, ao vogal representante das comunidades veciñais, engadíndolle a función de arbitraxe. Cabería tamén debatir unha fórmula sinxela para posibilitar a “fusión” de comunidades, sobre todo de lugares dentro dunha parroquia, creando unha nova comunidade conxunta.
Organización das comunidades: En comunidades con número elevado de comuneiros, é difícil acadar o quórum mínimo requirido actualmente e isto pode prexudicar a toma de acordos necesarios para a xestión do monte, polo que se fai necesario habilitar fórmulas que poidan permitir unha xestión do listado do comuneiro ante reiteradas faltas de asistencia por un elevado número deles. Proponse que as maiorías cualificadas se tomen en relación ó número de persoas presentes en asemblea, non en relación ó censo de comuneiros/as.
Usos sociais do monte. É moi importante actualmente introducir un artigo 3 específico sobre titularidade dos camiños e pistas forestais existentes no monte veciñal, así como sobre a necesidade de formalizar contratos coas sociedades de caza que inclúan os montes veciñais nun TECOR.
O crecente uso social dos montes está causando conflitos cos propietarios dos montes veciñais, existindo numerosos casos de camiños e pistas forestais identificados no Catastro e inventarios municipais como de dominio público, cando sempre foron camiños comunais (privados) de servizo do monte.
Apoio á xestión e deslindes. Débense facilitar e financiar os deslindes de montes veciñais, así como desenvolver medidas de fomento para asesoramento e gobernanza dos montes veciñais, que se ven na obriga de incurrir en contiosos gastos administrativos e técnicos polas esixencias burocráticas.
Tamén é preciso modificar aspectos sobre a xestión cautelar de montes en estado de grave abandono (introducida na Lei de medidas fiscais e administrativas de decembro do 2021), cambiando cuestións sobre indicadores de abandono ou sobre a intervención dos Concellos.
Actos de disposición. Deben clasificarse e actualizarse os actos de disposición (artigos 5, 6, 7 e 8); particularmente revisar os prazos de duración e as obrigas dos contratantes. En xeral observamos que os prazos de duración dos contratos derivados de actos de disposición resultan curtos, o que conduce a solicitar prórrogas que moitas veces non se poden outorgar, podendo xerar discordias entre comunidade propietaria e entidade contratante.
Por outro lado existe a contradición de que se o monte veciñal se incorpora ó Banco de Terras, debe ceder o seu uso por periodos de 50 anos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
