Ribadeo, 27 de abril de 2022. A concelleira de Igualdade, Mariluz Álvarez Lastra, subliñou que Ribadeo é e seguirá a ser un referente en educación en igualdade e defendeu as actividades desenvolvidas ao longo dos últimos quince anos. A edil nacionalista lembrou que este Concello foi pioneiro na provincia ao constituír a Mesa Interinstitucional de Violencia de Xénero na que están representados/as todos os axentes sociais e os centros de ensino ribadenses. Deste xeito responde ás críticas vertidas nesta xornada desde Vox.
Mariluz Álvarez Lastra asegurou que “esta concelleira do BNG en Ribadeo séntese moi orgullosa de todas as actividades que levan feito ao longo destes anos en materia de igualdade no noso concello e desde logo que Vox as teña en conta e hoxe salgan como referente a nivel provincial danos unha satisfacción enorme”.
A edil de Igualdade dixo: “sabiamos que Ribadeo era referente en educación pola igualdade, porque levamos facendo actividades de educación afectivo sexual e traballando cóbado a cóbado cos nosos centros educativos desde hai 14 ou 15 anos. Que teñamos este eco a nivel provincial e rexional para nós é fundamental e moi relevante”.
A concelleira ribadense anunciou que este traballo continuará nas vindeiras semanas e meses: “seguiremos traballando en prol da igualdade do noso concello e do noso país porque cremos que formar cidadáns e persoas libres é o máis importante. A educación é a base para que as relacións sexan saudables. Para ser libres é necesario poder elixir, poder decidir, ter pensamento crítico e estar formad@s”.
Álvarez Lastra sinalou que “a sociedade que temos hoxe en día é unha sociedade diversa, non é unha sociedade so de nenos, é unha sociedade de persoas, homes e mulleres, nenos e nenas, rapaces e rapazas, bisexuais, homosexuais, heterosexuais… estamos nunha sociedade diversa e plural e nós como institucións e como cidadáns de a pé temos a obriga e a necesidade de poñer en valor a todas estas persoas, respectalas ao máximo e desde logo a nivel educativo darlles a formación que necesiten para que se sintan ben e para que poidan decidir libremente”.
E engadiu: “non estamos nas antípodas, estamos na actualidade. Nós no Concello de Ribadeo non vivimos na idade media e ademais teño que dicilo porque ao longo dos vindeiros días seguiremos anunciando actividades relacionadas coa autoestima, coa educación afectivo sexual ou coa violencia de xénero porque nos parece que é o camiño e porque nos está dando moitos froitos”.
Sobre as actividades desenvolvidas ao longo dos últimos quince anos para fomentar a igualdade Mariluz Álvarez indicou que “non é nada que se invente un goberno municipal porque no Concello de Ribadeo fomos pioneiros na provincia de Lugo en crear a Mesa Interinstitucional de Violencia de Xénero, onde están representados todos os axentes sociais e todos os centros educativos, relixiosos, non relixiosos, concertados, públicos… noraboa para eles pola colaboración e polo traballo estreito que facemos entre todos e cada un de nós. Esa programación de actividades non está inventada por esta concelleira nin por unha persoa de a pé senón que están feitas en consonancia con eles, cada un de nós aporta o mellor para dar ideas sobre o qué necesita esta sociedade, sobre o que necesitan as nosas adolescentes e os nosos adolescentes, sobre o que precisa a nosa cidadanía para poder medrar e poder educarse libre sen ningún tipo de coacción”.
E insistiu en que “seguiremos facendo estas actividades, seguiremos traballando a prol diso. Estamos orgullosisimos de que Ribadeo siga e seguirá sendo un referente en educación en igualdade e ademais estamos avalados a nivel educativo por todo tipo de leis que defendemos a capa e espada e polos currículos escolares que están aí, que para algo servirán”.
A concelleira de Igualdade de Ribadeo subliñou que “as actividades que se fan son impartidas por persoal cualificado e especializado na materia para formalos e educalos da mellor maneira posible e para darlles todas as visións: sexólogos, psicólogos, pedagogos, etc… e iso é moito de ter en conta. Grazas a estas iniciativas a mocidade pode aclarar as súas inquedanzas e a ter certo sentido crítico nestes temas. E ao contrario do que apuntan algúns, non se inculca un pensamento, senón que se axuda ás novas xeracións a pensar por si mesmas”.
E rematou manifestando: “benvida sexa a polémica porque desde logo estamos no mapa. Ribadeo foi e seguirá sendo referente en materia de igualdade no século XXI no ano 2022 e non nas antípodas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
