Lugo, 23 de abril de 2022. O PSdeG esixe que se garantan os servizos sanitarios na provincia de Lugo. O Grupo Socialista na Deputación de Lugo avanza que defenderá o vindeiro martes, a través dunha moción no Pleno da Corporación, que se formalice de xeito inmediato as contratacións previstas nos cadros de persoal médico e de enfermería dos PAC, Centros de Saúde e Hospitais da provincia de Lugo.
Nesta proposta, tamén solicitan unha política de persoal racional, que cubra as baixas por enfermidade, xubilación ou vacacións e que se garanta o mantemento das especialidades existentes. E que se actualice, mellore e dignifique as condicións laborais dos profesionais da sanidade pública, e que se adopten medidas para incentivar a formación e contratación de expertos en pediatría, convocando todas as prazas de MIR pediátrico e de familia que teña adxudicadas, así como o resto de especialidades.
“Ó longo dos últimos meses comprobamos o deterioro da sanidade pública na provincia de Lugo. Unha situación derivada da política de persoal do Sergas, baseada nos recortes, no peche de servizos, en non cubrir as baixas ou as xubilacións e en impoñer cupos de traballo abusivos ou imposibles”, denuncian os socialistas.
“A Deputación de Lugo quere deixar constancia do esforzo e da profesionalidade dos profesionais da sanidade pública galega. E como firmes defensores da mesma, consideramos que é urxente adoptar medidas que garantan a prestación e o acceso ós servizos sanitarios na provincia de Lugo, a atención adecuada ós doentes e o benestar laboral do persoal sanitario”, recalcan dende o PSdeG.
Carencias sanitarias no servizo de Paliativos
Os socialistas advirten das carencias sanitarias no servizo de Paliativos e de Hospitalización a Domicilio do Hospital da Mariña “que foi recoñecida mesmo polo PP, que votou a favor de cubrir dun xeito urxente as baixas dun cadro de persoal que xa de inicio resultaba insuficiente”. Sinalan que “por mor do desleixo da Xunta, 10 dos 14 concellos da Mariña estiveron durante 6 meses sen servizo presencial destas especialidades médicas”. E lembran que “moitos destes enfermos, con patoloxías crónicas ou en situación terminal, foron derivados a centros de saúde como o de Viveiro, que xa estaban a sufrir situacións de contar cun só médico para 16.000 veciños e veciñas”.
Vilalba, Baralla e Xermade
Algo que están tamén a reclamar os veciños e veciñas de Vilalba, que ven como seguen sen contratar 3 dos 11 médicos previstos para o PAC e o Centro de Saúde.
Situación semellante dáse en Baralla, onde non se teñen contratado os 3 médicos previstos e onde o centro de saúde funciona cun único médico, xa que non se cobren nin baixas por enfermidade nin vacacións. E tamén en Xermade, cun centro que debería de contar con 3 médicos de medicina familiar e comunitaria e que conta agora cun único profesional variable.
Déficit endémico de atención pediátrica na provincia
Por non falar do déficit endémico de atención pediátrica na provincia, con exemplos claros en Foz ou Monterroso, entre outros, unha situación agravada pola decisión da Xunta de renunciar a convocar 151 prazas de MIR para facultativos de medicina de familia dende 2009, e a pesares do impulso que o actual goberno do Estado deu á formación MIR batindo récord de número de prazas en cada convocatoria de maneira sucesiva nos últimos 4 anos.
Centros pechados en Castro, Parga e Castro de Rei
E sen esquecer que día de hoxe o PP pechou os centros de saúde de Castro, en Carballedo, o de Parga, en Guitiriz, (só esta dispoñible o servicio de enfermería), e o de Castro de Rei, como xa denunciamos no Parlamento de Galicia con diversas iniciativas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
