Lugo, 4 de abril de 2022. O Plan Único da Deputación de Lugo caracterízase porque se rexe por criterios obxectivos para o seu reparto. Por iso non lles gusta a socialistas e nacionalistas, que prefiren repartir os cartos mediante convenios cos concellos de ideoloxía afín. O portavoz popular, Javier Castiñeira, asegura que “o pleno extraordinario que mañá celebrará a Deputación provincial é o pleno da avaricia política, do PSOE e especialmente do BNG, porque nesa sesión aprobarase ao mesmo tempo devaluar o Plan Único 2022, o máis devaluado dende que no 2017 Campos e Candia deseñaron este plan, para sacar cartos para convenios con intereses única e exclusivamente políticos como vén demostrando o equipo de goberno con concellos con afinidade política co bigoberno”. Unha vez máis, “sae máis beneficiado o BNG, que apenas representa a catro concellos desta provincia; volven deixar de lado á grandísima maioría, dos concellos, especialmente aos máis pequenos”.
Castiñeira destaca que o bigoberno provincial saca cartos do reparto obxectivo que é o Plan Único para darllos aos afíns ao goberno bipartito, e moi especialmente ao BNG. “Isto é a esquerda da que presumen na provincia de Lugo. Lamentablemente é a esquerda que sufrimos todos os concellos; a maior parte deles precisan unha ampliación do Plan Único para poder pagar as súas facturas”.
Este é un Plan Único co que se van a facer moitas menos obras, segundo sinala o portavoz popular. Afirma: “É un plan que se ve devaluado polo bipartito sen ningún tipo de boa intención, unicamente intentando sacar rédito político cos fondos da provincia, o que é moi grave”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
