Ribadeo, 4 de abril 2022. O Grupo Municipal Popular de Ribadeo levará ao pleno ordinario da corporación local diversos temas de interese para os ribadenses como é o caso da asistencia sanitaria. Nese sentido, “pedirémoslle ao BNG e ao PSOE traballar xuntos como corporación e, polo tanto, que apoien a nosa petición para instar ao Goberno central o incremento de prazas MIR, é dicir, poder formar a máis médicos”. O portavoz, Daniel Vega, destaca que “así poderíanse cubrir prazas e, incluso, incrementar a carteira de servizos sanitarios”.
Vega explica que “todos sabemos que imos ter un novo centro de saúde, pero tamén necesitamos médicos para incrementar o número de facultativos e, polo tanto, mellorar a atención primaria”.
O Grupo Municipal Popular tamén quere que o goberno local do BNG explique que está a facer coa herdanza do doutor Moreda. “Todos sabemos que o piso da súa propiedade que hai en Ribadeo non se vendeu aínda, pero o seu prezo xa baixou considerablemente e iso vai en detrimento da reforma do asilo”, sinala Vega.
O popular engade que “non sabemos a cantidade á que ascende a herdanza” e considera que se trata “dunha mala xestión por parte do goberno do BNG que a día de hoxe non se vendera o piso nin se concrete a cifra exacta da herdanza”. Sinala tamén que “todos queremos que se arranxe o hospital asilo” e, polo tanto, lamenta que “o tempo vai pasando e non avances sobre este tema”. Lembra que a Xunta, pola súa parte, “vai aportar orzamento”.
Os populares amósanse “preocupados polo retraso no pago das facturas porque algunhas empresas deixaron de prestar servizos ao Concello e outras están pensando o mesmo”. Vega considera que “non pode ser que o goberno do BNG sexa o que máis tarde pague de toda A Mariña. Tampouco pode ser que isto se repita sistematicamente e a tódolos plenos veñan facturas con retraso para poder pagalas. Hai que pagar en tempo e forma e por iso pediremos no pleno que o goberno local do BNG explica por que non o está a facer”.
Outro dos asuntos sobre os que pedirán explicacións ao goberno do BNG será sobre os plans para a praia do Cargadoiro. “Outro ano máis será unha praia cerrada e os seus usuarios non poderán disfrutar dela. Non pode ser que, ano tras ano, o goberno local expoña as mesmas desculpas e a praia continúe pechada”.
Así mesmo, o Grupo Municipal Popular tamén levará ao pleno a limpeza das fincas municipais. A este respecto, Vega sinala que “o goberno local esíxelle a un titular privado limpar a súa finca, pero as que son propiedades do Concello están abandonas”. Polo tanto, os populares condenan “a dobre vara de medir” e a “falta de coherencia”. Nese sentido, pedirán ao goberno local do BNG que “limpe as fincas do Concello antes de obrigar ao resto dos veciños”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
