Ribadeo, 26 de abril 2022. O conselleiro de Sanidade, Julio García Comesaña, trasladoulle ao voceiro do Grupo Municipal Popular de Ribadeo, Daniel Vega, durante unha reunión que a Xunta convocará unha praza fixa para un novo médico para o centro de saúde de Ribadeo. O procedemento será a través dun concurso de méritos para cubrir prazas en propiedade que non fora posible cubrir.
Vega cre que “este novo paso nos debe alegrar a todos” e subliña que “levamos traballando e xestionando dende fai moito tempo na mellora da sanidade pública no noso pobo e hoxe, con este anuncio da consellería, podemos dicir que é unha realidade. Queda, tamén, acreditado que a Xunta continúa a traballar pola sanidade de todos”, engade.
O Grupo Municipal Popular sabe que “non chega con construír un novo edificio, senón que hai que dotar de médicos a Ribadeo para prestar un servizo público de calidade” e, polo tanto, “entendemos e compartimos as reivindicacións dos ribadenses”. Este compromiso contrasta coa indiferenza amosada pola esquerda local, que se negou a apoiar no Pleno do concello unha moción do Grupo Municipal Popular solicitando a inclusión desta praza na nova convocatoria do Sergas, reclamación á que agora a Xunta dá cumprimento.
Nese sentido, o portavoz explica que “estamos xestionando e traballando para que o actual centro de saúde teña bos servizos sanitarios e, nun futuro próximo, o novo centro que xestionamos con moito traballo tamén ofreza servizos sanitarios de calidade para todos os veciños de Ribadeo”.
Nova categoría
Ante a dificultade para a cobertura dos postos de medicina de familia, a Xunta decidiu crear, a través da Lei de medidas fiscais e administrativas para 2022, unha nova categoría de facultativo especialista de atención primaria. Os profesionais que accedan a esta nova categoría desempeñarán a súas funcións nas prazas vacantes dos centros de saúde (con cupo de pacientes propio), e tamén, seguindo o modelo actual de nomeamentos de continuidade, realizarán dúas gardas ao mes nos Puntos de Atención Continuada (PAC), sendo retribuídos de acordo ás condicións singulares da prestación.
Durante a tramitación da lei, o Grupo Popular introduciu unha emenda para facer aínda máis atractiva esta categoría e lograr que os residentes que rematen este ano a súa formación en medicina de familia opten por acollerse a ela e cubrir esas prazas: as prazas desta categoría adxudicaranse en propiedade mediante concurso de méritos, sen necesidade de exame de concurso-oposición.
Polo tanto, o profesional que acepte cubrir algunha destas prazas e asuma o compromiso de quedarse nela durante a lo menos dous anos ten garantida praza en propiedade para sempre no Servizo Galego de Saúde. PSOE e BNG votaron en contra de incorporar esta emenda do Grupo Popular e votaron en contra da Lei que crea a categoría.
Pese aos seus atrancos, a Lei aprobouse e xa está tamén aprobado o decreto de oferta de 106 prazas desta categoría, regulando ese acceso a través de concurso de méritos para poder facilitar a incorporación en prazas como a de Ribadeo das persoas que rematan este mesmo ano a residencia de medicina de familia.
Permitirase ademais inscribirse sen ter aínda o título de especialista co compromiso de achegalo a posteriori, permitindo así a inscrición dos 106 MIR de medicina de familia que rematan este ano, que poderán anotarse xa e completar a documentación unha vez rematen a súa residencia en maio.
Desidia do Goberno de España na incorporación de novos MIR
O conselleiro trasladou tamén ao voceiro que a Xunta remitira en novembro de 2021 unha solicitude de acreditación de 64 novas prazas MIR para toda Galicia, entre as que se atopaba unha no PAC de Ribadeo. O Ministerio de Sanidade resolveu que a praza cumpría os requisitos, pero negouse a incluíla na convocatoria deste ano.
Vega subliña que “seguimos pedíndolle ao Goberno central que Galicia dispoña de máis prazas MIR, como xa lle pediu a Xunta. Deste xeito, Ribadeo podería dispoñer doutra praza. Por agora, o Goberno central dixo que non a un novo médico residente para o PAC de Ribadeo ata o 2023, a pesar de que a Xunta estaba disposta a financiar esa praza desde xa”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
