Burela, 27 de abril de 2022. O alcalde de Burela, Alfredo Llano, convida á participación na conferencia organizada pola Fundación Expomar para mañá, xoves 28 de abril no Auditorio de Burela a partir das 18:30 horas, dentro das xornadas “Mens Sana in Corpore Sano”.
Esta xornada consistirá nunha conferencia a cargo do doutor Miquel Aguilar Barberá, neurólogo de Áptima Hospital Universitari Mutua de Terrasa, sobre “Como alimentar o noso cerebro para mantelo xove”. A continuación, realizarase unha mesa redonda sobre a saúde mental na Mariña coa participación de Mª José Novoa, directora técnica xeral e xerente da Asociación Saúde Mental “A Mariña”, Noelia Eijo, directora da Fundación Eu Son, Gema Fernández, psicóloga de AFAN Burela, e o doutor Aguilar Barberá, moderada polo nefrólogo do Hospital da Mariña, o doutor Secundino Cigarrón.
O rexedor explicou que esta conferencia está dirixida “a promocionar e ver as vantaxes claras que ten o peixe sobre a saúde mental, un tema que agora preocupa moito, polo que é unha boa oportunidade de ver como as distintas especies de peixe poden producir un beneficio claro neste sentido”.
Segundo subliñou Llano, “a intención e vocación da Fundación Expomar é a axuda ao sector náutico-pesqueiro en todas as cuestións que sean de interese, pero tamén se queren ampliar os obxectivos e abrir todas as súas posibilidades de actuación ao público xeral”. Destacou así mesmo a presenza na conferencia de mañá do neurólogo Miquel Aguilar Barberá, “un referente en Cataluña e en todo o Estado, que tamén formará parte da mesa redonda posterior coa participación de asociacións vencelladas á saúde mental da Mariña”.
O alcalde convidou a todos os bureleses e mariñaos a asistir a estas xornadas “coas que estamos moi ilusionados porque pensamos que é unha promoción extraordinaria do que fan os nosos pescadores, da forma exemplar en que se pesca, e dende logo sitúa ao peixe como un alimento natural, sen ningún tipo de intervencións e soporte fundamental dunha boa saúde en xeral, e concretamente da saúde mental”.
Xornadas
A Fundación Expomar promove entre o 28 de abril e o 12 de maio diferentes actividades, ademais da conferencia, como diversas degustacións de peixe nos locais da Fundación Eu Son en Burela e na residencia da Asociación de Saúde Mental A Mariña en Cervo.
O xoves 28 de abril abriranse as xornadas ás 13:15 horas na Unidade Residencial da Asociación de Saúde Mental en Cervo, facendo degustacións gastronómicas de merluza de Burela neste espazo e no Centro de día da Fundación Eu Son da localidade.
O xoves 5 de maio repetiranse nos mesmos lugares e á mesma hora (13:30h), una degustación de Bonito do Norte, e o xoves 12 de maio, clausuraranse as xornadas no Centro de día da Fundación Eu son de Burela e farase una degustación de polbo da Mariña.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
