Lugo, 29 de abril de 2022. Os obradoiros do programa IlustrarNÓS da Vicepresieencia da Deputación de Lugo chegaron esta semana a Barreiros, Foz, A Pontenova, A Pastoriza e Cervantes.
Alumnado de primaria do CEIP San Cosme de Barreiros, do CEIP Fondo Nois de Foz, do CEIP O Salvador da Pastoriza, do CEIP da Pontenova e do CPI de Cervantes participaron en talleres orientados a fomentar a creatividade e poñer en valor o traballo artístico, dirixidos pola ilustradora Laura Romero e o músico Juan A. Álvarez.
Nos obradoiros, que misturaron debuxo directo e música tradicional, as nenas e nenos puideron coñecer de preto algúns instrumentos tradicionais – o seu nome, as diferencias entre eles, os materiais, o son que emiten ou a súa historia – e vincular os seus sons ás cores, establecendo un paralelismo entre os sons máis vivos e agudos e as cores cálidas e os sons máis graves, profundos e calmados.
A vicepresidenta da Deputación de Lugo, Maite Ferreiro, sinalou que “grazas á colaboración e o interese dos centros educativos, estamos a consolidar unha iniciativa coa que pretendemos dar visibilidade ao traballo de profesionais que se dedican á creación e ofrecer recursos para que as xeracións máis novas se acheguen á linguaxe visual, tan influínte e presente na sociedade actual”
O programa IlustrarNÓS, que a Vicepresidencia organiza por segundo ano consecutivo, artéllase arredor da celebración do Día da Ilustración en Galiza, que se celebra o 31 de xaneiro e que cada ano homenaxea un ilustrador ou ilustradora, neste 2022, ao debuxante e pioineiro da banda deseñada Reimundo Patiño.
A iniciativa impulsada desde a área de Cultura ofrece aos centros educativos a participación en diferentes actividades: obradoiros, encontros con profesionais da ilustración e un certame escolar, aberto a todas etapas educativas.
As vindeiras citas serán o 6 de maio, cunha conferencia e coloquio na Escola de Arte e Superior de Deseño Ramón Falcón de Lugo, a cargo de Alberto Guitián da Asociación Galega de Profesionais da Ilustración e o 13 de maio, con cadanseu obradoiro de Kiko da Silva no IES Pedregal de Irimia de Meira e CPI Dr López Suárez de Friol.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
