Viveiro, 4 de abril de 2022. A subdelegada do Goberno, Isabel Rodríguez, copresidiu hoxe, xunto coa alcaldesa de Viveiro, María Loureiro, a Xunta Local de Seguridade que analizou os dispositivos preparados neste concello para velar pola seguridade durante dous eventos que se van celebrar neste mes de abril e aos que está prevista a afluencia de numerosas persoas. Trátase do Viveiro Music Fest, que terá lugar en Celeiro o vindeiro venres, día 8, así como das distintas procesións e outros actos conmemorativos da Semana Santa vivairense.
A Xunta Local de Seguridade examinou a programación dos dous eventos, así como os puntos nos que se pode producir maior concentración de persoas e coordinouse o labor que desenvolverán os distintos corpos de seguridade e de emerxencia con motivo destes eventos. Na xuntanza, celebrada esta mañá na Casa do Concello participaron, ademais da subdelegada do Goberno e a alcaldesa, responsables de Seguridade do Concello, da Policía Nacional, o Subsector de Tráfico e a Garda Civil do Mar, a Policía Local, a Policía Autonómica e a Policía Portuaria, xunto con representantes da organización do Festival e da Xunta de Confrarías de Viveiro.
Ademais dos operativos para os dous eventos, que segundo as previsións reunirán en Viveiro a gran número de persoas, a Xunta Local de Seguridade analizou a situación da seguridade cidadá neste concello e os plans operativos que desenvolve a Secretaría de Estado de Seguridade.
Segundo as estatísticas da Policía Nacional, en 2021 rexistráronse un total de 332 infraccións penais, das que 124 foron delitos graves ou menos graves e 208 delitos leves. Esta cifra supón que a delincuencia recuperou taxas semellantes ás rexistradas antes da pandemia, logo do gran descenso da criminalidade experimentado en 2020 coincidindo coas restricións á mobilidade por mor da declaración do estado de alarma durante a primeira etapa da pandemia.
O aumento no número de delitos en 2021 foi do 45,6%, respecto ao ano anterior, cando se rexistraran un total de 228 infraccións. Cabe destacar que tamén en Viveiro se observa un fenómeno que vén producindo en todo o pais desde o comezo da pandemia. O importante aumento nos ciberdelitos. De feito, o incremento máis destacado é o relativo ás estafas leves con tarxetas de crédito, débito e cheques de viaxe, que subiron un 154%, ao pasar de 37 no ano 2020 a 94 en 2021.
“En definitiva, como advertía o ano pasado ao analizar a evolución da criminalidade de 2020, non podemos ser triunfalistas, a delincuencia mantense en taxas semellantes ás anteriores ao estado de alarma, agás ao referido á ciberdelincuencia que experimentou un acusado incremento ao tempo que se xeneralizou o uso das novas tecnoloxías para teletraballar, relacionarse, facer compras e no ocio”, resumiu a subdelegada.
VIOLENCIA DE XÉNERO
Isabel Rodríguez tamén informou da situación da violencia de xénero no concello. Así, detallou que, de acordo coas estatísticas da Policía Nacional, en 2021 rexistráronse un total de 14 denuncias por violencia de xénero, son 6 menos que un ano antes, cando foran 20. E informou de que no que levamos do ano 2022 xa son 4 as denuncias presentadas por violencia de xénero.
PLANS OPERATIVOS DE SEGURIDADE
En canto ao Plan Director para convivencia e mellora da seguridade escolar nos centros educativos no que se desenvolve unha programación dirixida á comunidade educativa, en 2021 a actividade foi fundamentalmente telemática, debido á pandemia, e houbo 21 accións formativas. No que levamos deste curso escolar son 22 as charlas realizadas.
A evolución da pandemia condicionou tamén o desenvolvemento do Plan Maior, que inclúe actividades dirixidas a fomentar hábitos que aumenten a seguridade das persoas maiores. En 2021 foron 18 as reunións deste tipo celebradas con institucións, residencias e profesionais e no que levamos de 2022, desde a Comisaría Local de Viveiro fixéronse 2 reunións cos mesmos colectivos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
