Ribadeo, 27 de abril de 2022. Hoxe foi presentado o cartel da décimo quinta edición do Ribadeo de Tapeo, o concurso gastronómico que se desenvolverá do 14 ao 22 de maio en máis de 30 locais hostaleiros. Haberá sobremesas culturais, soños gastronómicos, Letras no Campo ou O Renacer do Cantil, entre outras actividades. O concelleiro de Turismo, Pablo Vizoso, subliñou que unha das novidades será a fase previa voluntaria de asesoramento para os locais que o desexen a cargo do chef Daniel López, do restaurante O Camiño do Inglés e membro do coñecido Grupo Nove.
O edil ribadense manifestou que “un ano máis o Concello de Ribadeo organiza o Ribadeo de Tapeo, que xa vai pola súa décimo quinta edición e que terá lugar entre o 14 ao 22 de maio. Este concurso, decano dos fogóns da gastronomía de Galicia, é un dos nosos mellores escaparates gastronómicos. Nesta ocasión máis dunha trintena establecementos hostaleiros do municipio ofrecerán as súas exquisitas e innovadoras tapas elaboradas cos mellores produtos galegos”.
Vizoso Galdo dixo que “estamos diante dunha nova entrega gastronómica, renovada e reinventada, cargada de novidades e disposta a sorprender e ilusionar a todas aquelas persoas que senten paixón pola gastronomía”.
Dúas son as novidades do XV Ribadeo de Tapeo: “este ano contaremos cunha novidade que consiste nunha fase previa e que ten entre os seus obxectivos incentivar a cultura gastronómica e fomentar a calidade da oferta. Con este fin contaremos co chef Daniel López, do restaurante O Camiño Do Inglés e membro do prestixioso Grupo Nove, que asesorará aos establecementos que voluntariamente participan nesta fase. E outro dos cambios é o prezo da tapa, este ano será de 2 euros por cada petisco e establecémolo así para incentivar a calidade e a creatividade das propostas culinarias”.
O concelleiro de Turismo seguiu a relatar que “tamén un ano máis entorno a unha ducia de locais contarán con tapas aptas para celíacos e deste xeito colaboramos coa Asociación de Celíacos de Galicia para asesorar aos establecementos interesados no manexo, nas recomendacións e na correcta elaboración da tapa sen glute. E como sempre e sen perder de vista o noso obxectivo en materia turística, que é a desestacionalización, queremos converter esta cita culinaria nunha ocasión ideal para coñecer Ribadeo e por iso seguimos coa proposta de Soños Gastronómicos, pola que algúns dos nosos establecementos hostaleiros ofrecerán descontos e condicións especiais para poder gozar dunha perfecta escapada gastronómica en Ribadeo”.
Pablo Vizoso engadiu: “do mesmo xeito, en colaboración coa Concellaría de Cultura, poderemos desfrutar das nosas Sobremesas Culturais, que veñen cargadiñas de actividades repartidas polos diferentes recunchos da vila. Ademais mentres dure o Ribadeo de Tapeo poderemos gozar coas Letras no Campo e O Renacer do Cantil, que nos traen propostas marabillosas. Como en edicións anteriores, a celebración do concurso darase a coñecer nos medios de comunicación con campañas publicitarias e informativas, carteis e folletos, a través da web http://turismo.ribadeo.gal/tapeo e da aplicación móbil Ribadeo Gastronómico ou Ribadeo de Tapeo. E a maiores este concurso estará integrado noutra aplicación que recolle os principais concursos gastronómicos de Galicia e que se denomina Quedamos de Tapas”.
O edil nacionalista tivo palabras de agradecemento para a hostalería local: “quero aproveitar para agradecer ao conxunto da hostalería de Ribadeo a súa participación neste concurso, porque sen eles sería imposible facer este evento. E por suposto os agasallos que doaron para os premios, que se repartirán entre o publico premiado. Animo a todo o mundo a desfrutar desta viaxe gastronómica para vivir unha experiencia completa, que nos sirva para fundirnos na gastronomía local e recoñecela como parte do noso patrimonio cultural”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
