Durante a xuntanza, que se celebrou no local de ACIA Burela, trasladamos a esta forza política as necesidades, peticións e propostas do noso colectivo de fronte ao futuro co obxecto de que o seu grupo municipal se faga eco delas.
Entre os temas máis importantes que lles expuxemos atópanse a necesidade dunha maior limpeza da contorna e das beirarrúas; a conxelación da suba de taxas municipais para o comercio e industria local; a bonificación do IBI; e o traslado do mercado semanal ao seu anterior emprazamento.
Ronda de reunións
Como dixemos, a reunión de onte enmárcase dentro dunha serie de entrevistas cos tres partidos que teñen representación municipal. En vindeiras datas temos previsto reunirnos tamén con representantes do PSdeG- Psoe e do BNG.