Mondoñedo, 18 de abril de 2022. A Xunta de Galicia investirá algo máis de 106.000 euros no río Masma no marco dun proxecto de restauración ambiental que busca recuperar o bosque de ribeira e mellorar a conectividade fluvial para facilitar o fluxo das poboacións ictícolas ao longo de 3 tramos cunha lonxitude de 48 quilómetros.
Acompañada polo alcalde de Mondoñedo e a directora xeral de Patrimonio Natural, a conselleira de Medio Ambiente, Territorio e Vivenda, Ángeles Vázquez, presentou esta mañá os detalles da intervención desde a área recreativa da parroquia de Masma, ao carón dun dos tramos nos que se vai actuar.
Así, a responsable autonómica explicou que os traballos se enmarcan no proxecto Mil Ríos, unha iniciativa do seu departamento cun orzamento global de 5 millóns de euros procedentes dos fondos NextGenerationUE e coa que aspira a mellorar 470 quilómetros de 50 cursos fluviais nas catro provincias para aumentar así a súa resiliencia e capacidade de resposta ante o cambio climático.
Trátase, tal e como lembrou, dunha das actuacións máis ambiciosas que levará a cabo a Xunta grazas ao financiamento europeo asignado a Galicia para iniciativas no eido da restauración e da conservación dos ecosistemas e da súa biodiversidade.
No caso concreto do río Masma, Ángeles Vázquez explicou que os traballos previstos comezarán a vindeira semana con dous obxectivos principais: por unha banda, recuperar a vexetación de ribeira no ámbito obxecto de intervención eliminando as especies exóticas invasoras e plantando no seu lugar autóctonas; e por outra, mellorar a conectividade fluvial actuando en varias presas para resolver os problemas detectados.
Neste sentido e tras indicar que se están a elaborar propostas concretas para cada infraestrutura —desde melloras nos dispositivos de franqueo ata a súa demolición—, a conselleira aclarou que nalgúns casos a situación actual dificulta ou mesmo fai imposible o remonte dos peixes mentres que noutros trátase dun problema de mantemento, xa que as escalas producen a retención de restos de ramas e vexetación.
Estas actuacións, cun prazo de execución estimado dun mes, levaranse a cabo ao longo de 48 quilómetros de río e abranguerán unha superficie de 72 hectáreas pertencentes aos municipios de Mondoñedo, Barreiros e Lourenzá. A intervención prevé tamén obras de mellora na escala de Celeiro, actuación que requirirá previamente da redacción dun proxecto específico polo que haberá que agardar aínda para comezar os traballos.
Actuacións en cinco ríos na provincia de Lugo
No caso da provincia de Lugo, a Xunta utilizará a primeira fase do proxecto Mil Ríos para avanzar na recuperación, restauración e mellora da resiliencia nas marxes dos tramos seleccionados en cinco canles fluviais —Landro, Lor, Ouro, Guisande e Masma—, para o que se prevé intervir nun total de 146 hectáreas e en 97,5 quilómetros de río que discorren por 13 municipios.
Das cinco actuacións previstas, a intervención presentada esta mañá en Mondoñedo é a máis ambiciosa xa que se estenderá por un total de 48 km de río, o que supón practicamente a metade da superficie fluvial que se pretende mellorar no conxunto da provincia lucense grazas a este proxecto de restauración ambiental en zonas húmidas.
O Masma, pertencente á vertente cantábrica, ten unha superficie de conca de 290 km² e a súa principal peculiaridade é que se trata dun río enteiramente galego, desde o seu nacemento, cerca da serra do Xistral, no municipio do Valadouro, ata a súa desembocadura na ría de Foz, xunto á praia da Rapadoira e logo de percorrer os concellos de Abadín, Mondoñedo, Lourenzá e Barreiros
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
