Viveiro, 29 de abril de 2022. A alcaldesa de Viveiro, María Loureiro, destacou nun acto celebrado no Teatro Pastor Díaz “o exemplo de compromiso, rebeldía e loita pola igualdade de Maruja Mallo”.
Loureiro participou no ciclo conferencias ‘Maruja Mallo. Viveiro e a vangarda do século XX’, que onte pola tarde acolleu a intervención ‘Maruja Mallo. Arte da Vida’, a cargo de artista Antón Patiño.
“Quero dar en primeiro lugar as grazas á concellería de Cultura e Muller de Viveiro e á súa concelleira, Lara Fernández, polo seu traballo na organización deste ciclo”, afirmou a alcaldesa de Viveiro.
“Como ben sabedes, neste 2022 cumpriuse o 120 aniversario do nacemento desta artista viveirense e desde o Concello estabamos na obriga de preparar unha programación especial”, engadiu.
“A relevancia de Maruja Mallo recae non só na sua importante obra como pintora vangardista, senón tamén no seu papel abanderando o movemento das ‘Sin Sombrero’. Dito movemento, aínda tan necesario hoxe en día, buscaba a visibilidade das mulleres vinculadas ás artes e ás letras que quedaron excluídas dos círculos masculinos”, afirmou María Loureiro.
“A súa obra e a súa forma de ser e comportarse son un exemplo para todas aquelas mulleres que traballamos cada día pola igualdade. A igualdade real entre homes e mulleres non é unha loita superada desgrazadamente, pero é unha prioridade para o Concello de Viveiro, por iso é tan importante a busca de referentes como Maruja Mallo”, rematou.
Esta tarde continúa o ciclo con Carmen Gaitán Salinas, científica no Instituto de Historia do CSIC, co relatorio ‘Explorando o cono sur: Maruja Mallo e o seu exilio transatlántico’. Será no Teatro Pastor Díaz de Viveiro ás 20:30 horas, con entrada gratuíta ata completar aforo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
