Ribadeo, 23 de marzo de 2022. O alcalde, Fernando Suárez, agarda que nas vindeiras semanas as parcelas do polígono industrial de Ribadeo se vaian vendendo, tras as bonificacións que hoxe aprobou no seu consello de administración a Sepes, a sociedade titular deste parque empresarial.
O rexedor confirmou que “por fin no día de hoxe podemos ver o resultado desta colaboración estreita e deste compromiso acadado hai poucas semanas co director de Sepes, desta sociedade pública do Ministerio de Fomento que é a titular do polígono industrial de Ribadeo, que atendendo ás demandas do Concello aceptou e así se aprobou no consello de administración de Sepes no día de hoxe a bonificación importante dunha serie de 14 parcelas, onde durante seis meses se lles baixará o prezo de venda nun 35% e outras 6 se sacarán como concesión de superficie con opción a compra durante 30 anos”.
Para Suárez Barcia “en definitiva o prezo vai a pasar a ser moi competitivo, dado que vai haber unha forcada entre 42,9 euros metro cadrado a 48,75 euros metro cadrado para as parcelas do polígono industrial de Ribadeo, que é un dos mellores non só de toda a comarca senón de todo o Cantábrico porque está ao pé da autovía en primeira liña, moi ben urbanizado e situado para unha serie de iniciativas que estamos seguros que a partir de agora, nos próximos días e nas próximas semanas, empezará a haber interese para asentarse nun lugar cheo de vida, como é Ribadeo, e nun lugar potencialmente moi interesante como é precisamente o polígono industrial ribadense”.
O alcalde tivo palabras de agradecemento para o director de Sepes: “eu quérolle agradecer ao novo director de Sepes que fixera efectivo o compromiso acadado co concelleiro de Desenvolvemento Local, Pablo Vizoso, e comigo na reunión que mantivemos hai unhas semanas en Madrid, e ademais que ven cumprir cunha demanda histórica, posto que cos gobernos de Mariano Rajoy por máis que intentamos que esta empresa pública en mans dun ministerio accedese a algo similar, nunca obtivemos mais que boas palabras e agora temos mo bos feitos”.
Fernando Suárez engadiu: “oxalá nos próximos tempos todas estas parcelas se vaian vendendo porque os prezos e as condicións son verdadeiramente interesantes”.
O Consello de Administración de Sepes autorizou a comercialización das 43 parcelas do parque empresarial “Ribadeo Industrial”, onde a 14 parcelas realizóuselles unha bonificación do 35% do prezo e a outras seis un concesión de dereitos de superficie con opción de compra durante 30 anos. A comercialización das parcelas e a concesión de dereitos de superficie con opción de compra poderán realizarse individualmente ou por lotes, en atención á estratexia comercial que se considere convinte.
As bonificacións das 14 parcelas (A1, C1, C2, C6, C7, C11, C19, D2, D12, D6, D8, F3, F4 e F5), estableceuse atendendo aos seguintes criterios:
● Son de distintas tipoloxías para facilitar a instalación de calquera proxecto.
● Moitas delas, son lindeiros con algunha das empresas con actividade no parque empresarial con obxecto de facilitar a posible ampliación das mesmas.
● En función dos tamaños de parcelas os prezos finais bonificados sitúanse entre 42,90 €/ m² e o 48,75€/ m². A vixencia da promoción de bonificación dos prezos finalizará o 31 de decembro de 2022.
Constitución de dereitos de superficie con opción a compra
As parcelas E1 a E6 comercializaranse mediante a concesión de dereitos de superficie con opción de compra, que permita captar proxectos que ocupen maior superficie e faciliten a viabilidade dos mesmos, ao non ter que facer fronte inicialmente ao importe de compra das parcelas. O contrato recoñecerá a favor do superficiario un dereito de opción de compra gratuíta, por un prazo de 8 anos desde a perfección do dereito de superficie, sendo o prezo de compra o aprobado como prezo base de licitación.
Fixouse un canon sobre o prezo basee de licitación, que crecerá progresivamente, sendo 1,5% os dous primeiros anos, 2,5% os dous seguintes e a partir do quinto ano o 3,5%.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
