Burela, 8 de marzo de 2022. En Burela tivo lugar este mediodía a presentación da segunda edición de Musicarte, o Certame de Vídeoclips Musicais, que organiza a Concellería de Cultura. Poderán participar, ademais de escolas de música, IES de Galicia e adultos non profesionais. O mellor en cada unha destas tres categorías obterá un premio de 400 euros. O prazo de presentación de traballos estará aberto ata o 20 de xuño. No acto participaron o alcalde, Alfredo Llano, o concelleiro de Cultura, José Díaz, e a presidenta do xurado, Estíbaliz Veiga.
O edil burelés anunciou que “vimos de presentar Musicarte 2 coa presenza de Estíbaliz Veiga, que será a presidenta do xurado un ano máis. A novidade respecto ao ano pasado e que, ademais de haber un premio ao mellor vídeoclip para escolas de música, vai haber outro para IES de Galicia e tamén outro para persoas galegas que non sexan profesionais da música e que poden mandar o seu vídeoclip. As bases van estar colgadas na páxina web do Concello a partir deste venres e os premios serán de 400 euros en cada unha das categorías”.
José Díaz dixo que “animaremos á xente, xa houbo participación de escolas de música galegas e esperemos que tamén participen IES. Hoxe en día coas tecnoloxías dos móbiles é moi fácil facer un vídeoclip que quede ben de calidade no que se poida aportar a parte imaxinativa e demais. Contamos con que a participación sexa boa e que haxa moita xente que opte aos premios, xa non polo premio senón por participar e ir facendo que Musicarte siga crecendo como actividade e como certame para incentivar a música entre os máis pequenos e entre todas as persoas en xeral”.
A presidenta do xurado, Estíbaliz Veiga, declarou que “Musicarte é unha iniciativa, que dende o meu punto de vista como pedagoga teatral que son, moi atractiva para todos os xoves que se queiran presentar, pero non só para eles, tamén para os adultos non profesionais porque este ano hai un novo apartado que tamén valorará este tipo de vídeoclips. Estou desexando que cheguen ás nosas mans estes produtos cheos de arte e música que, como comunicadora que son, creo que é a mellor forma de comunicar, de facer que teñamos ilusión, de soñar e de volver crer nun futuro mellor”.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
