Ribadeo, 10 de marzo de 2022. Dende o mes de maio do pasado ano 2021, a Asociación Por Nuestro Faro mantén de novo contacto coa oficina do Defensor del Pueblo, en Madrid, diante da que temos exposto as nosas queixas en relación a algunhas das irregularidades detectadas por nós no desenvolvemento da concesión da Illa Pancha. Queixas que se resumen nos últimos parágrafos do escrito presentado hai case un ano: “(…) por el incumplimiento del Ayuntamiento de Ribadeo (…) al aprobar un nuevo proyecto de cafetería en la Isla Pancha que, a todas luces, viene a incrementar los impactos medioambientales del proyecto anterior y que no ha sido evaluado de ninguna forma de acuerdo con la normativa (…)”
En días pasado rematamos de recibir unha información do Defensor, da que a parte fundamental é a seguinte:
“Con relación a su queja, tramitada con el número arriba indicado, ante la tardanza en recibir la información que esta institución solicitó a la Consellería de Medio Ambiente, Territorio y Vivienda, se le informa de que con esta misma fecha se ha solicitado su remisión urgente.”
É dicir, de novo as administracións entorpecen a defensa do territorio e dos administrados.
Lembramos que o mesmo Defensor ten apuntado xa en outubro de 2018 que as nosas queixas van ben encamiñadas. Así, como dicía nun parágrafo nun escrito desa data, “En las actuaciones descritas por la Autoridad Portuaria no se ha solicitado el parecer del órgano ambiental ni tampoco se han aportado datos objetivos sobre la no afección del uso hotelero al espacio protegido, lo cual es insuficiente para excluir la evaluación ambiental.”
Por desgraza, diversas administracións, do concello ó Estado, pasando pola Xunta, teñen debilitada ou inexistente a defensa do común e do interese xeral e medioambiental, o que fixo que, naquel momento, e a pesar dos indicios evidentes, o Defensor chegara ó límite das súas funcións e non puidera seguir adiante.
Agora, seguindo o noso camiño por unha illa Pancha de todos e en harmonía co medio ambiente, remitimos no seu momento documentos abondos como para abrir un novo expediente. E é que na Illa Pancha seguen a producirse novas incidencias, e o acudir ó Defensor forma parte dos nosos esforzos por lograr a illa Pancha que Ribadeo se merece.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
