Ribadeo, 10 de marzo de 2022. O Concello ven de solicitar unha subvención á Xunta de Galicia para proceder á mellora e acondicionamento exterior da Escola de Ove. O investimento total ascenderá a 13.000 euros. O equipo de goberno quere favorecer a imaxe de Ribadeo como destino turístico ligado ao Camiño de Santiago e como lugar de encontro cómodo e agradable para a veciñanza desa parroquia, segundo explicou hoxe o concelleiro de Medio Rural, Marcos Villamil.
O edil ribadense lembrou que “Ribadeo é porta de entrada a Galicia do Camiño do Norte, un camiño de comercio, cultura e peregrinación que conduce a Santiago de Compostela polo norte. O traxecto, duns 16 quilómetros, iníciase na vila de Ribadeo e percorre varias parroquias do interior, entre elas a de Ove”.
Villamil dixo que “ao pé do camiño de Santiago atópase a Escola de Ove, cuxo estado de conservación exterior non é o máis axeitado. Quixemos desde o goberno municipal aproveitar unha convocatoria de axudas que sacou a Xunta para actuacións de mellora paisaxística e de embelecemento de bens e recursos que se atopen no Camiño de Santiago”.
O concelleiro de Medio Rural explicou que “por iso, os técnicos municipais elaboraron un proxecto de mellora e acondicionamento exterior da Escola de Ove, por importe duns 13.000 euros e no que pretendemos pintar todo o edificio, reparar a carpintaría exterior, así como unha serie de obras de mellora que consigan o dobre obxectivo de: por unha banda, favorecer a imaxe de Ribadeo como destino turístico ligado ao Camiño de Santiago; e, por outra, a de mellorar a Escola de Ove, como lugar de encontro cómodo e agradable para todos os veciños e veciñas desta parroquia”.
E engadiu: “agardamos pois que sexamos merecedores da maior axuda posible por parte da Xunta para poder executar estas obras a principios deste verán”.
Ata a Escola de Ove se desprazaron na xornada de hoxe o alcalde, Fernando Suárez, e concelleiro de Medio Rural, Marcos Villamil.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
