Ribadeo, 14 de marzo de 2022. A concelleira de Obras, Mónica Freire, e o alcalde, Fernando Suárez, supervisaron hoxe os traballos que o Concello está a realizar no acceso desde a parroquia de Ove ata a estrada LU-P-5207, que pasa polo antigo tramo do tren mineiro. O investimento ascende a 32.000 euros.
A edil ribadense contou que “hoxe quixemos achegarnos para comprobar in situ como se están a executar as obras de mellora da pavimentación dese acceso desde a parroquia de Ove ata a estrada LU-P-5207, traballos que comezaron hai xa unhas semanas”.
Mónica Freire explicou que “o que se pretende con esta actuación é fundamentalmente mellorar o pavimento deste tramo de viario urbano, que se atopaba en moi mal estado porque ademais de que non se acometera ningunha actuación de mellora desde hai moitos anos tamén soporta un intenso tráfico porque comunica a parroquia de Ove co centro urbano”.
A concelleira de Obras dixo que “a actuación principal que se pretende realizar con estas obras é a mellora das características superficiais do pavimento existente mediante un firme de aglomerado en quente. Executaremos ademais obras de fábrica como o levantamento de tapas ou a colocación dunha rigola para recoller a auga da chuvia, incluíndo por suposto a sinalización horizontal e vertical deste tramo”.
Freire Rancaño engadiu que “o orzamento desta actuación supera os 32.000 euros e contamos que estea rematada nas vindeiras semanas. E esta será a primeira obra doutras dúas moi importantes que virán cambiar a faciana actual desta zona sur da nosa vila. Lembrar que se atopa en licitación a mellora de varios viarios do barrio da Pega e da rúa Río do Amalló e que nos vindeiros días comezarán tamén as obras na estrada da Deputación LU-P-5207. Isto vai cambiar totalmente a realidade desta zona tan importante, concorrida e habitada da nosa vila”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
