O Concello de Viveiro promove a conciliación familiar co programa de obradoiros gratuítos de Semana Santa

Viveiro, 29 de marzo de 2022. O Concello de Viveiro presenta o seu programa de obradoiros gratuítos para a Semana Santa, dirixidos á infancia entre 4 e 12 anos. En total, realizaranse tres talleres, co obxectivo de ofrecer unha proposta de lecer durante as vacacións escolares e facilitar a conciliación familiar.

O primeiro obradoiro será o luns 11 de abril sobre papiroflexia, xogos e baile. O martes, 1 2 de abril, os cativos e cativas gozarán de malabares, xogos e happy ioga. Por último, o mércores 13 de abril, os participantes terán unha ginkana, xogos e retos de lóxica.

Nas tres xornadas o horario será de 10:30 a 13:30. Para participar nas actividades, cómpre realizar a inscrición por WhatsApp no teléfono 654208333.