Mondoñedo, 25 de marzo de 2022. O Concello de Mondoñedo ven de estrear un novo programa de sensibilización e prevención do consumo de drogas, da man da Asociación Saúde Mental A MARIÑA. “Queremos apostar por unha saúde integral e pola prevención do consumo de drogas entre os máis xoves”, destacan dende o goberno local.
Dita asociación, é referente na comarca por ser especialista na atención de persoas con enfermidade mental crónica. E dada a súa especialización, Sonia Nogueiras Orosa (psicóloga clínica e directora do CRPL de Burela), así como María José Novoa (directora técnica xeral/xerente da entidade, e referente galega) crearon e deseñaron este proxecto pioneiro para Mondoñedo: “Non consumas a túa mente: coida a túa saúde”.
Os obxectivos da iniciativa son por un lado, achegar á poboación máis nova as enfermidades mentais e facelo dende unha óptica obxectiva e fundamentada, promovendo a sensibilización e eliminación dos prexuizos asociados ás mesmas; e, polo outro, pretende abordar un factor de risco claro na aparición das enfermidades mentais: o consumo de tóxicos.
Así, abordaranse os efectos do alcohol, cannabis, cocaína e heroína na saúde en xeral e na saúde mental en particular, facendo especial fincapé no papel activo de cada persoa á hora de eliminar este factor de risco.
O 23 de marzo tivo lugar a primeira presentación do programa, no IES Plurilingüe San Rosendo, á que asistiu xunto con Sonia Nogueiras Orosa, a concelleira de Benestar e Facenda, Ángeles Rodríguez Rico.
O programa irá dirixido a todo o alumnado de ESO do IES San Rosendo durante o mes de marzo e abril.
Outras actividades
Outras actividades que se está a programar dende o Concello de Mondoñedo en colaboración co Instituto San Rosendo son a realización de reunións co alumnado para coñecer as súas opinións, ideas, suxestións de cara a por en marcha actividades alternativas de ocio saudable, unidas a visitas e saídas pola vila nas zonas onde se realizan botellóns e/ou outras actividades insalubres co obxectivo de sensibilizar e concienciar á xuventude na necesidade do coidado do entorno e levar unha vida con hábitos recomendables.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
