Ribadeo, 29 de marzo 2022. O voceiro do Grupo Municipal Popular de Ribadeo, Daniel Vega, considera “importante seguir impulsando medidas para favorecer que as empresas escollan Ribadeo”. O Grupo Municipal Popular quere que “Ribadeo sexa un referente económico dentro da comarca, tamén na provincia e tamén dentro do mapa galego”.
Vega aposta, nese sentido, por “aproveitar os recursos que temos como pobo porque Ribadeo é un referente, conta con autovía e é porta de entrada a Galicia”. E, por suposto, impulsar o asentamento de empresas “para que as persoas escollan Ribadeo como lugar de vivenda” porque “ten que ir acompañado dun posto de traballo. Propostas deste calibre son importantísimas para seguir crecendo como pobo”.
O portavoz agradece á Xunta e á CEL por escoller Ribadeo como punto de asesoramento e colaboración para as empresas” e destaca que “fomos fundamentais”. De feito, “o Grupo Municipal Popular leva traballando con ese obxectivo dende o inicio do mandato en diversas liñas”.
Vega explica que “empresa e formación profesional van unidos”. Por iso, “quixemos xestionar moita formación profesional e agradecemos ao IES Porta da Auga e á escola de Pedro Murias por non ser conformistas e seguir impulsando iniciativas formativas”. No primeiro centro, implantouse formación específica sobre a construción de barcos de fibra en colaboración con Astilleros Gondán. No segundo, apoian e apostan polo sector forestal, un dos principais motores económicos da Mariña.
Vega: “Estamos traballando para que Ribadeo sexa ese motor económico dentro da Mariña e seguiremos impulsando medidas. Por iso para o vindeiro pleno municipal, temos previsto levar unha proposta de impulso para o polígono industrial”.
O portavoz do Grupo Municipal Popular sinala que “queremos que o prezo do solo se rebaixe nun 50% como nos polígonos de Viveiro e San Cibrao que xestiona a Xunta; que se rebaixen os impostos municipais (IBI, IAE e ICIO) nun 95% como se fai en Mondoñedo; e tamén queremos que se constrúa no polígono un Espazo Coworking como aceleradora de emprego, asesoramento a emprendedores e lugar de traballo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
