Ribadeo, 7 de marzo 2022. O voceiro do Grupo Municipal Popular, Daniel Vega, considera que “Ribadeo, como pobo aberto, debe acoller”. Por iso, “a Xunta xa puxo o pasado venres a disposición o centro de Pedro Murias que está preparado con habitacións, cociña, calefacción…”.
O popular defende que “debemos estar preparados ante as consecuencias do conflito bélico que se está a producir en Ucraína”. E, nese sentido, explica que “Galicia deu resposta e, en Ribadeo, dende o Grupo Municipal Popular, levamos traballando dende fai tempo, con moita discreción, sinceridade e dende o fondo do corazón porque non nos gusta que esta guerra teña consecuencias tan negativas para moitas persoas”. Nese mesmo sentido, “quero agradecer tamén a moitas outras persoas que, de forma anónima, están traballando, axudando e colaborando con moitas iniciativas para axudar ás persoas afectadas”.
Ante esta situación, Vega pide “responsabilidade” porque “non se debe utilizar a desgraza destas persoas para fins electorais e dígoo con toda a sinceridade: parécenos bastante lamentable que o goberno local, a través dunha nota de prensa, estea utilizando este asunto para esixirlle á Xunta non se sabe moi ben o que”. A este respecto, o popular aclara que “a Fegamp xa se puxo en contacto co Concello. E a través da Fegamp xa se está a desenvolver unha colaboración institucional coa Xunta e co Estado”.
O voceiro do Grupo Municipal Popular explica que “a Xunta ofreceu 714 prazas, tamén moitos Concellos ofreceron as súas instalacións e as súas achegas a través da Fegamp”.
Vega indica que “o que lle esiximos ao goberno do BNG é que propoña centros da súa titularidade, que ofreza a súa colaboración, non simplemente cun texto nunha nota de prensa. Cando hai vocación de servizo, axúdase con discreción”. Por iso, “o goberno local debe comprometerse con dedicación, esforzo, traballo e responsabilidade”, conclúe.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
