A Mariña, 10 de marzo, 2022. A Plataforma de Veciños Afectados pola Macrocentral Hidroeléctrica do Xistral, vén de presentar ante o Ministerio 4.430 firmas recollidas en contra da central hidroeléctrica reversible do Xistral.
Así mesmo, a Plataforma neste período de consultas que rematou onte, 9 de marzo, no que particulares e demáis colectivos podían mostrar o seu rexeitamento a esta obra, axudou a presentar 160 alegacións contra o anteproxecto da central.
Dende a Plataforma temos constancia de máis alegacións presentadas por fóra da mesma, tanto a título persoal como por diversos colectivos e asociacións, pero descoñecemos o número exacto delas.
Recordamos que os órganos consultados tiñan un prazo de 20 días hábiles dende que recibiron a consulta, polo tanto, para eles o prazo xa rematou fai varios días, non dispoñemos de información de se todos os consultados emitiron informes.
Referente a polémica xurdida en canto a prazos para alegar, a intención da Plataforma nunca foi de crear crispación nin malestar na veciñanza, simplemente nos dedicamos a informar dos plazos segundo marca a lei nestes casos.
A valoración desta etapa que rematamos hoxe é moi positiva, agardamos que todo este esforzo que se fixo en tan pouco tempo teña a súa recompensa axiña.
O representante de Desarollos Del Malache, S.L.U., Pedro Machín, manifestou que non seguirían adiante co anteproxecto se había oposición veciñal, polo tanto, entendemos que queda demostrado que non queremos nin este, nin outro anteproxecto que veña a interrompir as vidas e o traballo dos nosos veciños, e así agardamos que lle chegue á empresa promotora. O positivo que poidera traer, non compensa o negativo, e dende a Plataforma tivémolo moi claro dende un primeiro momento con un dos nosos lemas “Renovables SI pero NON así”
Dende a plataforma queremos agradecer tamén ós diferentes colectivos e asociacións que mostraron o seu apoio presentando escritos contra o anteproxecto ou adheríndose á Plataforma, que son os seguintes:
Asociación de veciños de Recaré, Asociación de veciños Pena Abaladoira do Pereiro, C.M.V.M.C Guilifonso e Cabalar do Pereiro, C.M.C.M.C de Vilacampa, C.M.V.M.C Xestaca e Granda Vella de Santo Tomé, C.M.V.M.C do Cadramón, C.M.V.M.C de Miñotos, Seminario de Estudos do Valadouro, Asociación de veciños de Fazouro, Asociación de veciños de San Vicente de Lagoa, ANPA CEIP Castro de Ouro de Alfoz, Asociación de Sendeirismo Paso Miúdo, Asociación de veciños de San Pedro de Mor e Asociación Rebinxe.
Na seguinte fase que comeza agora, agardamos poder dispoñer da información de todos os informes presentados, e mentras tanto seguiremos traballando e informando á veciñanza dos pasos a seguir.
Para o vindeiro domingo, día 13, hai convocada unha manifestación de repulsa contra o anteproxecto presentado, para que quede claro que non o queremos no noso Val.
A manifestación discorrerá entre os lugares onde irían instaladas as balsas superior en Vilacampa e a inferior en Recaré, con fin de dar a coñecer a magnitude do anteproxecto á veciñanza.
Ó remate da mesma, na igrexa de Recaré, procederáse á lectura dun manifesto e daráse por finalizado o acto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
