Ribadeo, 9 de febreiro, 2022. O mércores 16 de febrero, Ribadeo vai ser una das 5 sedes galegas que acollan a celebración das probas correspondentes á fase autonómica da XIII Olimpíada de Xeoloxía. O IES Ribadeo Dionisio Gamallo, a Facultade de Bioloxía de Santiago, a Facultade de Ciencias da Coruña, a E.M.E de Minas de Vigo e a Facultade de Ciencias de Ourense serán os lugares onde simultaneamente o alumnado realizará as probas teóricas. Ademáis da Consellería de Educación tamén colaboran nesta edición a Cidade da Cultura en Santiago e o Concello de Ribadeo a quen de antemán lles agradecemos a axuda.
A XIII Olimpíada de Xeoloxía é una actividade promovida pola AEPECT (“Asociación Española para la Enseñanza de las Ciencias de la Tierra”), en colaboración coa SGE (Sociedad Geológica Española). Lévase a cabo inicialmente en diferentes sedes territoriais do Estado Español. Os gañadores e gañadoras de cada sede poderán participar na fase nacional que terá lugar o día 26 de Marzo en Almería e os catro mellor clasificados participarán na fase internacional.
Estas olimpíadas pretenden fomentar o interese pola Xeoloxía e as Ciencias da Terra, animar aos participantes a comezar estudos universitarios relacionados coa Xeoloxía e concienciar sobre a importancia da preservación do medio natural.
Pode participar o alumnado de 4º de ESO, 1º e 2º de Bacharelato pertencentes a calquera dos Centros de Galicia. Na sede de Ribadeo a fase práctica terá lugar na Praia das Catedrais de 11:15 a 13:45 e ás 3 da tarde, a fase teórica no salón de actos do instituto ribadense. A continuación, e mentras se corrixen as probas, o alumnado participará nun taller impartido polo Doutor en Xeoloxía Francisco Canosa.
Os premios, diplomas e agasallos do Concello de Ribadeo serán entregados durante o acto de clausura polo propio Francisco Canosa e por Mari Luz Álvarez Lastra, Concelleira de Educación e Igualdade do Concello de Ribadeo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
