Ribadeo, 28 de febreiro de 2022. O equipo de goberno proxecta a creación dun área recreativa na Vilavella, na que se colocará diverso mobiliario, se crearán un aparcamento ordenado de vehículos e un pequeno miradoiro e se instalará iluminación led, segundo explicou hoxe o alcalde, Fernando Suárez.
O rexedor contou que “dentro das actuacións de mellora que queremos seguir facendo na vila en espazos degradados ou mal acondicionados, está a creación da área recreativa da Vilavella. Esta fermosa zona da entrada da vila, constitúe tamén o acceso aos clubs de remo e piragüismo ás instalacións da Vilavella, que se caracteriza por ser moi perigoso, xa que a zona non é máis que o resto da antiga estrada de acceso a Ribadeo, que foi quedando desconectada e que actualmente se utiliza como un aparcadoiro en precario, pero de moi perigoso acceso”.
Suárez Barcia explicou que “o que pretendemos é facer en todo ese ámbito unha área recreativa ordenada, recuperando os espazos verdes a través do axardinamento, dotándoo de árbores, con diverso mobiliario propio de áreas recreativas e posibilitando tamén o aparcamento ordenado de vehículos. Tamén se crearía un pequeno miradoiro e se substituiría o actual e escaso alumeado público por outras lámpadas de tecnoloxía led nesa contorna”.
O alcalde dixo que “esta área recreativa, de fácil acceso a pé e en vehículo, serviría de zona de descanso ou de paso cara a ruta do Muíño das Aceas, dentro deste Camiño Natural da Ruta do Cantábrico que percorre toda a costa ribadense, xa que se trata dun espazo anexo á Rede Natura 2000, polo que crearíamos unha senda peonil segura para conectar o inicio do camiño ao Muíño das Aceas”.
Fernando Suárez engadiu que “para poder facer todo isto, acabamos de solicitar unha axuda á Xunta de Galicia, a través do Fondo de Compensación Ambiental para este ano, cun proxecto que os técnicos cifraron en 40.000 euros. Queremos confiar que este marabilloso proxecto, dirixido para os nosos mozos e mozas practicantes de deportes acuáticos, así como para toda a cidadanía, sexa merecedor do apoio económico da Xunta”.
Ata esa futura área recreativa da Vilavella se desprazon o alcalde, Fernando Suárez, e os concelleiros de Obras e Medio Ambiente, Mónica Freire e Jorge Díaz.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
