Viveiro, 10 de febreiro de 2022. O Concello de Viveiro presentou esta mañá o cartel do Entroido 2022, unha festividade que recupera tras o parón da pandemia. Tamén se retoma o tradicional o Concurso de Disfraces do Desfile de Entroido, así como outras actividades para todas as idades.
Nesta edición, o cartel presentado polo Concello de Viveiro é unha oda ás mulleres “entroideiras” da vila, que mesmo en épocas complicadas, saían á rúa cos seus traxes e máscaras. As fotografías son de “Foto Carlos”, sacadas entre 1960 e 1972, e cedidas por África Jiménez, impulsora do Entroido en Viveiro.
As bases do Concurso de Disfraces do Desfile de Entroido xa están publicadas, establecendo categorías de adultos (carrozas, comparsas, grupos, parellas e individual) e infantil (individual, parellas e grupos).
O prazo de inscrición ao desfile abrirase o próximo 17 de febreiro e pecharase o 27 do mesmo mes. O Concello de Viveiro concederá premios aos catro mellores participantes en cada categoría, cun premio de 700 euros para a mellor carroza. En total, repartiranse máis de 5.000 premios entre todas as categorías.
Tamén se concederá un premio especial ao humor e á orixinalidade, entre todos os participantes da categoría adultos, ambos doados polo Centro Comercial Casco Histórico de Viveiro. Ademais, o Concello de Viveiro outorgará unha axuda especial por un importe máximo de 200 euros a cada unha das carrozas participantes no desfile.
“A importancia do Entroido en Viveiro esténdese dende a participación da nosa cidadanía ata o atractivo turístico que supón. Non obstante, a prudencia estará presente nesta festa e todas as actividades atenderán aos protocolos sanitarios”, sinala María Loureiro, alcaldesa de Viveiro.
O Concello de Viveiro aínda está a traballar no peche do programa, que recuperará o xoves de comadres, organizado pola Asociación de Comerciantes do Casco Histórico. Tamén se celebrarán sesións vermú o sábado e o domingo, nunha carpa ubicada na Praza Maior.
O programa, que se concretará na vindeira semana, retoma as Alpuxarradas e tamén inclúe festa infantil, así como enterro da sardiña, tanto para a infancia como para os adultos. Por último, está previsto tamén que se celebren diferentes obradoiros e se instalarán inchables para os máis pequenos.
“Esperamos que a cidadanía de Viveiro xa estea a preparar os seus traxes para celebrar o noso Entroido cheo de humor que nos caracteriza como vila”, subliña Lara Fernández Fernández-Noriega, concelleira de Cultura.
As bases do Concurso de Disfraces do Desfile de Entroido https://www.viveiro.es/
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
