Viveiro, 3 de febreiro de 2022. O Concello de Viveiro informa que hoxe, 3 de febreiro, se celebrou a Mesa local de coordinación contra a violencia de xénero, na que estiveron presentes representantes das entidades ou organismos que a integran.
Ademais da alcaldesa, María Loureiro; da concelleira de Muller, Lara Fernández Fernández-Noriega; e dos representantes dos grupos políticos municipais e da Subdelegación de Lugo, participaron nesta reunión persoal do Centro de Información á Muller; de Servizos Sociais; da Policía Local; da Policía Nacional; da Garda Civil; do CEIP de Covas; do CEIP de Celeiro; do CEIP Santa Rita de Galdo; do CPR Landro Viveiro; do CEP Lois Tobío; do IES Vilar Ponte, do Centro de Saúde e do Xulgado de Viveiro.
Segundo a orde do día da reunión, tras a lectura e aprobación da acta da mesa anterior, analizouse a situación das vítimas de violencia de xénero activas no Concello de Viveiro; analizouse a coordinación entre a Policía Nacional e a Policía Local neste tema; facilitouse información sobre o Programa de Actos para o 8 de marzo, para a súa coordinación con outros axentes sociais, e informouse sobre o Plan de Igualdade para o persoal do Concello de Viveiro.
No apartado de rogos e preguntas, tratouse o rogo presentado polos representantes do Xulgado de Viveiro nesta Mesa, en relación co personamento da Xunta de Galicia como acusación particular en todos os casos de violencia de xénero con resultado de morte, acordando dar conta ás autoridades competentes.
Asemade, no día de hoxe constituíuse a Comisión Negociadora do Plan de Igualdade para empregadas e empregados públicos do Concello de Viveiro 2022-2026.
Co impulso e aprobación deste primeiro plan de igualdade, o Concello de Viveiro reforza o seu compromiso no traballo pola igualdade entre mulleres e homes en todos os ámbitos. A súa aprobación suporá dar cumprimento aos preceptos legais vixentes no que respecta á obriga de todas as administracións públicas de adoptar medidas dirixidas a evitar calquera tipo de discriminación por razóns de xénero e á elaboración dun plan no seo da organización.
Esta primeira reunión serviu para presentar este documento ao integrantes da comisión, acordando como proposta a elaboración do regulamento de funcionamento da comisión e a designación de representantes por parte de cada sindicato con representación no concello.
Inicialmente estaba previsto celebrar ambas reunións na Sala Multiusos da Casa do Concello, debendo cambiar a súa ubicación e trasladalas ao Teatro Pastor Díaz, tras coñecer que o Sergas prolonga a realización de test de antíxenos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
