Ribadeo, 8 de febreiro de 2022. O Concello de Ribadeo ven de solicitar unha subvención á Xunta de Galicia, procedente de fondos europeos, para a instalación de dous novos puntos limpos de proximidade, que se unirán aos tres xa colocados hai algún tempo no parque e nas Avenidas Rosalía de Castro e Rafael Fernández Cardoso. Un dos novos, que será fixo, situarase en Rinlo e o outro, que contará cunha plataforma móbil, destinarase ás demais parroquias ribadenses, a onde se desprazará de xeito itinerante.
O concelleiro de Medio Ambiente, Jorge Díaz, explicou que “o Concello de Ribadeo ven de solicitar estes días unha axuda, a través dunha subvención específica de residuos de fondos europeos que canalizan a través das comunidades autónomas, neste caso a través da Xunta de Galicia, para dous novos puntos limpos para dar servizo ás parroquias”.
O edil ribadense dixo que “suporán un orzamento duns 15.000 euros e este importe será para subvencionar ata o 90% e o restante máis o IVE correría a cargo do Concello. Un deles situaríase indefinidamente en Rinlo. Sería do mesmo formato que os tres que xa hai ubicados na vila, en Rafael Fernández Cardoso, en Rosalía de Castro e entre os parques. E o outro punto sería unha plataforma móbil e iría para dar servizo ás outras parroquias cuns horarios e un calendario que xa definiremos no seu momento”.
Díaz Freije subliñou que “así reforzamos un pouco máis todos os servizos que temos no punto limpo fixo, como pode ser a recollida de enseres, e que son tan importantes para a veciñanza, para o coidado do medio ambiente e para coidar a vila e as parroquias do concello de Ribadeo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
