Cervo, 24 de Febreiro de 2022. O Concello de Cervo propón un cambio de horario ao GES (Grupo de Emerxencias Supramunicipal) co obxectivo de ampliar as condicións de seguridade nas que desenvolven o seu traballo os profesionais que integran este servizo.
Nos días pasados convocouse un Comité Local de Seguridade e Saúde, e entre outros asuntos deuse resposta ás inquedanzas amosadas por unha agrupación de traballadores pertencentes ao departamento do GES de Cervo.
Despois de ter en consideración comunicacións desa agrupación, o Concello quere deixar claro que a seguridade dos traballadores non se ve, nin se veu comprometida en ningún momento, cumprindo coa normativa legal, incluso nos casos nos que se atopa un só membro traballando.
Co obxectivo de mellorar máis aínda a seguridade dos traballadores, o Concello de Cervo propón un cambio horario e así pasar das 24 horas seguidas actuais, a facer quendas de 8 horas.
Hai que recordar, que a diferencia dos bombeiros, o GES non só desempeña funcións que atinxen ás emerxencias, senón que tamén levan a cabo labores continuas de prevención, polo tanto cantas máis horas de traballo continuado efectúen máis fatiga implica para as súas condicións físicas e psíquicas.
Desde a administración municipal agardan que esta medida teña un efecto positivo tamén nas baixas laborais do departamento, posto que na actualidade todas as incapacidades agregadas, equivalen a dous traballadores de baixa durante todo o ano.
Con esta proposta de cambio de horario o Concello de Cervo conseguirá, ademais, mellorar a cobertura laboral con dúas persoas por quenda, a pesar das baixas laborais que sofre o departamento.
Nestes momentos o convenio vixente do GES data do ano 2017 posto que a Deputación de Lugo rexeitou a última proposta feita pola Xunta de Galicia, que si se aprobou noutra provincias e que contaba co visto bo da FEGAMP e os GES lucenses, na que se buscaba dotar a este servizo dunha mellora económica considerable.
O alcalde, Alfonso Villares, declarou que “facemos esta proposición de redución de horas nas quendas de traballo co obxectivo de proporcionarlle máis seguridade aos traballadores, posto que a maior número de horas seguidas traballadas, as súas condicións físicas e psíquicas vense reducidas”.
“En referencia á bolsa de traballo proposta pola agrupación, quero recordar que foi a Deputación de Lugo quen declinou a sinatura dun convenio coa Xunta, a FEGAMP e os GES da provincia, no que se propoñía unha mellora económica coa que se podería facer fronte a dita bolsa”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
