Burela, 3 de febreiro, 2022. O pleno do pasado mes de novembro no concello de Burela deixaba unha ordenanza fiscal proposta polo concello no aire, logo da negativa do BNG a aprobar a mesma posto que dende o goberno local insistían con seguir cobrando ás farmacias pola ocupación que fan da vía pública cando teñen quenda de garda.
Para tentar resolver a situación, según indica o voceiro do BNG, Mario Pillado, “logo de conversas e negociacións rexistramos por escrito a proposta de que, cando menos, se bonificara ás farmacias co 95% da taxa, que era unha das posibilidades que se manexaban dende o punto de vista burocrático”.
Finalmente a fórmula elixida “foi a eliminación das farmacias da propia ordenanza, polo que xa non van ter que pagar nada por un servizo que están obrigadas a prestar e que implica unha ocupación da vía pública ocasional e periódica” recordou Pillado.
Sexa como fora, “a nosa postura no pasado pleno serviu para que estes establecementos vexan como se fai xustiza en aplicación da sentenza existente sobre o tema e que lles daba a razón ás boticarias” comentou o portavoz do BNG
O Bloque ve positivo que a súa insistencia consiga os seus froitos neste e noutros temas.
Seguiu o voceiro nacionalista recordando que “ás veces é frustrante ver como as nosas propostas non son acollidas como nos gustaría ou que o goberno tarda en darlle cumprimento ó que se acorda, pero logo tamén é gratificante que a base da insistencia e da seriedade se vaian cumprindo. Por exemplo, fomos moi insistentes co cumprimento da lei de montes e contra incendios en canto á limpeza de fincas, levamos con iso meses e case anos, pero parécenos positivo que a longo prazo se comece a cumprir a lei”
Por iso neste pleno, como recalca Mario Pillado, “levamos outras dúas iniciativas que xa temos proposto en varias ocasións como son a inclusión dun posto de traballo no plan de emprego asociado ó plan único para que se aumente o horario de apertura da biblicoteca municipal nas épocas de vacacións e a pregunta sobre o estado das conversas que o alcalde ia manter co grupo propietario da antiga fábrica de gres para aprobeitar e acondicionar ese terreo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
