Foz, 28 de febreiro, 2022. Con motivo da celebración do Día Internacional da Muller, declarado pola Asemblea Xeral das Nacións Unidas en 1977, o BNG de Foz reitera o seu firme compromiso coa igualdade real e efectiva entre mulleres e homes. A construción dunha sociedade libre e xusta esixe a erradicación de todas as formas de discriminación e violencia que sofren as mulleres por ser mulleres. En 1995, a adopción da Declaración e Plataforma de Acción de Pequín foi un paso esencial na promoción e protección dos dereitos das mulleres e serviu para mobilizar aos gobernos e á sociedade civil para lograr medidas concretas para acadar a igualdade entre homes e mulleres e loitar contra as múltiples formas de discriminación. O BNG de Foz manifesta o seu firme compromiso para contribuir a erradicar todas as formas de discriminación que sofren as mulleres, garantindo para iso un compromiso lexislativo valente e firme para lograr a plena xustiza. Consideramos que debemos revalidar o noso compromiso co feminismo, mantendo un liderado que permita forxar alianzas globais nun contexto de alza dos discursos reaccionarios.
As reivindicacións das mulleres para este 2022 volven artellar en catro eixos: violencia, corpos, fronteiras e economía. Despois de rematar o 2021 con 43 mulleres asasinadas polas súas parellas ou ex-parellas, seis menores asasinadas e outros 30 orfos, xa abonda con toda a violencia que sufrimos en todos os ámbitos e espazos da nosa vida: na casa, no traballo. os espazos públicos, a parella, a familia, o ámbito laboral, a sociedade ou as institucións do Estado. Ademais, reivindican o dereito a decidir, como dereito de xustiza social que defende o feminismo, abrindo portas para que poidan expresar diferentes proxectos de vida, novas formas de vivir a sexualidade, a maternidade, o corpo e a identidade e/ou a expresión de xénero”. contra o control da sua vida sexual e reprodutiva, que é un instrumento de patriarcado para tratar de someter os corpos e a vida das mulleres, cis e trans. Existen fronteiras interiores, construídas a través do colonialismo, o racismo, a islamofobia, o antixitano, a aporofobia e o capitalismo, que cunha interpretación exclúen da cidadanía discriminan impunemente a través da Lei de Extranxeiría, non respectando os dereitos humanos e a libre circulación. Fronteiras que afectan especialmente ás mulleres migrantes e racializadas.
Por estas e moitas máis razóns é imprescindible que este concello apoie o Día 8 de marzo as movilización promovidas na defensas dos dereitos das mulleres.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
