Santiago de Compostela, 23 de febreiro 2022.- A portavoz nacionalista de Facenda, Noa Presas, acusou no Parlamento galego á Xunta de impulsar o efecto chamada no sector bancario para recibir fondos públicos por reabrir os servizos que pecha.
“Da súa resposta concluímos que o Goberno galego só ten previsto seguir inflando de cartos á banca privada para que manteña timidamente algúns servizos que está pechando, un negocio redondo dende o punto de vista empresarial: ti pechas e a Xunta págache para que abras”, reprobou con severidade ao conselleiro de Facenda nunha interpelación parlamentaria sobre as medidas previstas polo Executivo do PP para garantir unha atención presencial mínima no sector para as persoas usuarias.
“Como os bancos son tan bos van manter os seus servizos cando saben que hai unha Administración que lles paga por reabrilos cando os pecha”, incidiu, para a continuación censurar os tres millóns destinados pola Xunta a Abanca para o mantemento da súa rede de caixeiros. “Unha entidade que foi rescatada con máis de 9.000 millóns e que ao ano e medio xa obtiña beneficios non se lle pode regalar nin un céntimo para que siga incrementando os seus beneficios, despedindo xente e abusando da sociedade”, recriminou.
Neste sentido, instou ao Goberno de Núñez Feixóo a deixar de poñerse do lado das entidades financeiras amigas e poñerse dunha vez por todas do lado das galegas e os galegos exercendo as súas competencias. Entre outras medidas que o BNG presentará en breve na Cámara, avogou por que a Xunta poña en marcha instrumentos de apoio, reforce o Instituto Galego de Consumo (IGC), impulse demandas colectivas, demande do Estado e exerza a “presión política que ten como Goberno” para garantir os servizos bancarios mínimos.
Porque, segundo advertiu a deputada nacionalista, a exclusión financeira non só está afectando dun xeito “gravísimo” ao colectivo de persoas maiores, senón que a banca privada está a expulsar ás e aos clientes que non lles interesan, provocando tamén a exclusión de colectivos vulnerables.
Por iso, defendeu a urxencia de acometer cambios lexislativos ambiciosos que garanten a atención bancaria digna porque, segundo concluíu, a pregunta é moi clara: “o que hai é suficiente para os galegos e galegas, que non poden vivir sen unha conta bancaria, teñen uns servizos minimamente dignos? A resposta é non”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
