Lugo, 11 de febreiro de 2022. O Presidente da Deputación de Lugo, José Tomé Roca, e o Alcalde da Pontenova, Darío Campos, inauguraron este venres nesta localidade a tirolina máis longa de Galicia con 330 metros de lonxitude e a 80 metros de altura. A dotación foi posible grazas ao apoio económico da institución provincial que achegou 300.000€ para esta atracción que se integra no novo complexo histórico-recreativo da mina Consuelo-Boulloso.
No acto tamén participaron a Deputada de Réxime Interior, Promoción do Territorio e Turismo, Pilar García Porto, o Deputado de Promoción Económica e Social, Pablo Rivera Capón, membros da Corporación municipal da Pontenova, representantes da empresa encargada da execución das obras, así como colectivos vencellados á hostalería e ao turismo da comarca.
“Penso que esta tirolina se vai consolidar como un referente do ocio activo e familiar na provincia, e mesmo en Galicia. Polo tanto, vai situar nun novo nivel á xa moi interesante oferta turística da Mariña”, dixo o Presidente. José Tomé detallou que “estamos a falar dunha obra importante e singular”. Explicou que esa importancia ben dada tanto polo investimento económico, porque a Deputación de Lugo aporta 300.000€ para que este novo recurso de lecer e turístico sexa posible, e ademais cedeu o tramo de estrada provincial no ámbito de influencia da tirolina; e importante tamén porque a tirolina instalada no complexo é a máis longa de Galicia, con máis de 330 metros de percorrido, entre a mina Consuelo e o forno de Boulloso.
Concretou, así mesmo, que é singular pola súa localización, “xa que contribúe a recuperar para o ocio e o desfrute dos veciños e visitantes a ruta que facían as vagonetas con mineral das vellas minas da comarca. Deste xeito, unimos ocio e cultura, impulso do turismo e promoción da nosa historia”, afirmou Tomé Roca.
O Presidente destacou que a tirolina da Pontenova encaixa co “modelo de turismo sostible, de calidade e ligado ás experiencias que promovemos dende a Deputación de Lugo para toda a provincia. Un turismo non masificado, que respecta e recupera as nosas tradicións, e que pon en valor o rico e diverso patrimonio da provincia”. Nas súas palabras tamén explicou que “o turismo é unha fonte de riqueza e de xeración de emprego para o rural, e, desta forma, contribúe a fixar poboación, e incentiva ás xeracións máis novas a desenvolver proxectos empresariais nese entorno”.
Complexo histórico-recreativo Consuelo-Boulloso
O complexo histórico-recreativo da mina Consuelo-Boulloso será máis que un parque de aventuras. Está pensado para que as persoas vivan unha experiencia única, con encanto, un espazo para o lecer integrado na natureza e que aproveita o legado mineiro da vila para o goce dos visitantes dende múltiples puntos de vista: cultural, deportivo, educativo e recreativo.
A tirolina recrea o antigo funicular aéreo da mina e será un elemento máis dentro dun conxunto de actividades enlazadas entre si. Atravesa o río Turía, cruzando da ladeira da mina Consuelo ata a mina do Boulloso. A espeleoloxía, xunto co sendeirismo, tamén serán outras das actividades que se fomentará no novo complexo.
De setembro a xuño poderase desfrutar da tirolina nas fins de semana, en festivos e vacacións de Nadal e Semana Santa. Nos meses de xullo e agosto funcionará de martes a domingo polas mañás e polas tardes.
A Deputación coa Pontenova
Esta colaboración económica de 300.000€ que fixo a Deputación de Lugo coa Pontenova súmase, entre outras, aos pretos de 2M€ que a entidade dedica á construción do Centro de Atención a Maiores do municipio, un proxecto que xa foi adxudicado.
Ademais, a Deputación colabora coa Pontenova neste 2022 co investimento de preto de 275.000€ que inxecta na localidade a través do Plan Único de Cooperación cos Concellos. Unha cantidade económica que servirá para mellorar as infraestruturas, crear emprego, manter o Servizo de Axuda no Fogar (SAF) e realizar outros investimentos necesarios para dar unha mellor atención á veciñanza.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
