Santiago de Compostela, 14 de febreiro de 2022. O Consello Galego de Pesca constatou no seu último pleno a necesidade de traballar desde Galicia para contrarrestar os plans de Bruxelas e doutras institucións europeas de impoñer limitacións e restricións á pesca con artes de fondo en augas comunitarias pois, alertou, esas medidas afectarían tamén a artes menores existentes na comunidade e cun uso moi estendido como os miños, o bou de vara, os trasmallos ou os rastros de vieira.
A Xunta e os representantes do sector marítimo pesqueiro expuxeron a súa preocupación ante a posibilidade de que se adopten novas medidas restritivas ao abeiro da Estratexia de Biodiversidade para 2030, algo que complicaría a actividade dun importante número de embarcacións e podería derivar na perda de buques e empregos.
Ante esta situación, a Consellería do Mar xa lle trasladou á directora xeral de Asuntos Marítimos e Pesca (DG MARE) da Comisión Europea, Charlina Vitcheva, un informe que mostra a escasa pegada de carbono e a nula pegada hídrica que teñen moitas artes de arrastre de menor tamaño, algo que referendan tamén estudos internacionais.
A maiores, Galicia tamén lle remitiu un informe que sinala a interacción de diferentes elementos alleos á pesca sobre as zonas mariñas protexidas ao tempo que pediu ao Executivo comunitario coñecer os informes biolóxicos, económicos e sociais que sustentan a súa proposta para aumentar as áreas con limitacións á pesca con determinadas artes en augas comunitarias.
O Consello Galego de Pesca constatou a necesidade de reforzar o traballo e os contactos na defensa da pesca de fondo co obxectivo de facer ver ás autoridades competentes que todas as artes de pesca son respectuosas co medio ambiente se se empregan ben. Nesta liña, Galicia xa está a traballar noutros dous informes, un referido ao peso que artes menores de pesca de fondo como os rastros, bous, miños ou trasmallos teñen na frota galega e outro sobre o impacto socioeconómico que terían as posibles restricións sobre a pesca de fondo tanto no sector pesqueiro de litoral como no que faena en augas comunitarias e internacionais.
Co obxectivo de contrarrestar os plans para limitar esta actividade, a Consellería do Mar tamén mantivo encontros a semana pasada con autoridades pesqueiras da Bretaña francesa e fará o mesmo proximamente con outras de Países Baixos ou Irlanda co ánimo de selar alianzas dado que, como Galicia, contan con frotas que se verían afectadas por esas restricións á pesca de fondo.
As accións acordadas no Consello Galego de Pesca dan continuidade ao compromiso trasladado recentemente pola conselleira do Mar, Rosa Quintana, á Alianza Europea de Pesca de Fondo de defender os seus intereses ante as institucións europeas. No encontro mantido hai unhas semanas con esta organización -que agrupa arredor de 8.000 buques e máis de 22.000 traballadores- a Xunta puxo en valor o bo facer da frota galega e española, que emprega as distintas artes seguindo estritamente a lexislación en vigor. Iso é o que permite, salientou a titular de Mar, que a maioría das pesqueiras nas que faenan os buques galegos se atopen no rendemento máximo sustentable (RMS), o nivel óptimo de capturas que se pode extraer dun caladoiro sen prexudicar o estado do recurso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
