Ribadeo, 9 de febreiro de 2022. LAD Dance Company protagonizará esta vindeira fin de semana o ciclo Ribadeo en Danza, que organizou a Concellaría de Cultura. A compañía ofrecerá dous espectáculos, o sábado 12 Caos e o domingo 13 Iconic. As dúas citas terán lugar no auditorio municipal Hernán Naval ás 20:00 horas e o prezo das entradas será de 4 euros.
A edil de Cultura, Pilar Otero, dixo na presentación do evento que “LAD Dance Company presenta o ciclo Ribadeo en Danza dentro da programación cultural do trimestre desenvolta pola Concellaría de Cultura. Trátase dunha fin de semana completa dedicada ao público de Ribadeo, e de quen queira achegarse á vila estes días, con dous espectáculos das distintas disciplinas que a compañía ten no repertorio”.
A concelleira ribadense explicou que “o sábado 12 poderemos asistir á obra Caos, coreografiada por Iago Alonso e Pablo del Pozo e interpretada por eles mesmos máis o bailarín Isaac Amorós. É unha peza de danza contemporánea onde nos mergullaremos na orde que podemos atopar dentro do caos en moitos ámbitos diferentes. Creada cunha estética sinxela que permite aos espectadores descifrar cada escena libremente, obtendo así un amplo abano de interpretacións, todas elas válidas”.
Otero Cabarcos seguiu a relatar que “o domingo 13 poderemos gozar do espectáculo de danza urbana Iconic, dirixido e coreografiado por Pablo del Pozo García. Forma parte dunha serie de espectáculos baseados en cancións, movementos e shows icónicos das grandes divas do Pop internacional. Nesta ocasión levarán á escena a esencia da icona mundial Beyoncé, ofrecendo un traballo con enerxía, sensualidade e apoderamento, con momentos de música en vivo e unha experiencia audiovisual traballada minuciosamente para compartir unha peza completa sendo fiel aos traballos da artista”.
Os dous espectáculos comezarán ás 20.00 horas e terán un prezo de entrada de 4 euros.
A concelleira subliñou que “a maiores, a Concellaría de Cultura quixo tamén vincular neste evento ao alumnado da área de danza da Escola Municipal de Música e Danza de Ribadeo, que participará en tres obradoiros: o venres 11 ás cinco da tarde, danza clásica; o sábado 12 ás once da mañá, danza contemporánea; e o domingo 13 tamén ás once da mañá, danza urbana. A estes obradoiros o resto do público pode asistir como espectador”.
Pilar Otero contou que “dirixida por Iago Alonso Abad e Pablo del Pozo García, LAD Dance Company xorde para brindar a oportunidade a bailaríns, tanto profesionais como en formación, de formar parte de espectáculos en vivo e crear un traballo de calidade para impulsar os novos talentos ao mundo laboral no sector da danza. Tamén busca achegar a danza á Mariña, terra natal de Iago Alonso, que ten como obxectivo compartir os seus procesos creativos coa súa zona”.
E engadiu que “Iago Alonso Abad, nacido en Foz (Lugo), é director artístico de LAD Dance Studio, coreógrafo e bailarín profesional. Titulado como técnico das ensinanzas profesionais de danza nas especialidades de danza clásica e contemporánea. Formado con grandes mestres internacionais. Traballou como bailarín en compañías como o Centro Coreográfico Galego, Ballet Norte ou Joven Ballet de Galicia, entre outros, desempeñando papeis como solista e corpo de baile tanto en producións clásicas como contemporáneas. Formou parte de producións con coreógrafos recoñecidos no panorama nacional e internacional. Actualmente, é bailarín en activo e dirixe a sua propia compañía de danza. Pola súa banda, Pablo del Pozo García, nacido en Toledo, é director artístico e fundador de LAD Dance Studio. Coreógrafo e bailarín profesional, especializado en danza urbana e contemporánea, formado en diferentes puntos de España, entre eles Madrid, Barcelona, Galicia e León. Especializado en produción de espectáculos e rexiduría de teatro en danza pola universidade San Jorge en Zaragoza e títulos de experto en pedagoxía da danza e do movemento. Foi coreógrafo en produtoras e ten participado en eventos de Mediaset, Netflix e Atresmedia como bailarín. Actualmente é bailarín en activo, dirixe a súa compañía e dedícase á produción de espectáculos en vivo e proxectos audiovisuais”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
