Ribadeo, 24 de febreiro de 2022. Estes días dan comezo as obras de construción do carril bici que unirá a praia dos Bloques coa zona do faro. O orzamento ascende a 320.000 euros, que asumirán a Deputación de Lugo e o Concello de Ribadeo. Para o alcalde, Fernando Suárez, trátase dunha actuación moi importante, que se converterá nun novo reclamo turístico.
O rexedor contou que “estamos dando comezo nestes días ás obras de construción do carril bici entre o centro urbano da vila e a praia de Rochas Brancas, na Illa Pancha. Este proxecto, que ascende a uns 320.000 euros e que está financiado pola Deputación de Lugo e polo Concello de Ribadeo, despois do proceso licitación a obra foi adxudicada á empresa Asfalgal Técnicas Viarias”.
Suárez Barcia explicou que “consiste na adaptación como vía ciclista dun traxecto de 4 quilómetros entre a praia dos Bloques e a zona do Faro, bordeando toda a costa e discorrendo por lugares emblemáticos como O Cargadeiro ou o forte de San Damián. Para iso vaise habilitar un carril bici bidireccional de 2 metros e medio de ancho a partir do forte de San Damián mentres que no resto do traxecto vaise optar por harmonizar o paso de vehículos e de bicicletas nunha vía de sección única de prioridade ciclista. E tamén o traxecto vai ser transitable a pé, por suposto, polas beirarrúas e polos pasos peonís. Para completar esta ruta circular vaise incluír tamén o aglomerado asfáltico do treito comprendido entre a praia de Rochas Brancas e o encontro coa estrada provincial, en Vilaselán”.
O alcalde subliñou que “esta importante actuación vai mellorar as condicións de uso e de seguridade dun espazo que xa viña sendo empregado pola veciñanza, en especial pola xente moza, para o paseo a pé e outras actividades físicas; e máis agora, despois da pandemia que vivimos, cando toda a xente quere máis espazos de lecer, de paseo, para practicar o deporte, etcétera. Por iso estamos convencidos de que esta senda ciclable vai ser un reclamo turístico máis para Ribadeo nun momento de auxe do turismo activo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
