A Mariña, 17 de febreiro de 2022. O Cenima acolleu este mediodía a presentación de afeira.gal, un marketplace de produtos agroalimentarios da Mariña “100% Galicia, 100% local e 100% local”.
Afeira.gal é unha nova forma de mercar os produtos rurais e de proximidade. O obxectivo desta plataforma “é que os produtores e tenda locais poidan compartir con toda España a calidade e os auténticos sabores desta comarca”, segundo explicou Antía Vázquez, de Donapubli.
No acto celebrado este mediodía, a través de dous vídeos, expúxose aos asistentes o funcionamento deste marketplace, a sinxela forma de mercar para os clientes e cómo adherirse ou darse de alta de xeito doado para os produtores e produtoras da Mariña.
O presidente da FCAM, José Carlos Paleo, na súa intervención dixo que “hai que aproveitar as oportunidades e todas as axudas que poñen as diferentes administracións ao servizo do comercio para intentar incrementar as vendas a través dos medios dixitais. Temos que estar cada vez máis preto do cliente e traballar para conseguir a súa fidelización”.
Paleo subliñou que “temos que traballar xuntos. O noso obxectivo é poñer a calidade dos grandes produtos que temos na Mariña ao alcance dos clientes en calquera punto España. Recibimos a moitos visitantes nesta comarca en diferentes épocas do ano, que quedan encantados co peixe, co marisco, coa carne, coas hortalizas… e queren seguir consumindo todo iso todo o ano nas súas casas. E aí e onde queremos estar desde afeira.gal”.
Desde a Federación de Comercio A Mariña o seu presidente lembrou que “afeira.gal recibiu unha achega de 48.000 euros da Dirección Xeral de Comercio, á que se suman a Área de Medio Rural da Deputación de Lugo e tamén o GDR Terras de Miranda”.
A inscrición na plataforma afeira.gal é totalmente gratuíta para os produtores/vendedores que sexan socios de calquera das oito Acias que conforman a FCAM, pero está aberta a todas as empresas da zona relacionadas coa agroalimentación de Galicia. O único que terán que facer será pagar unha pequena cota, como en calquera outra plataforma de venda online ou asociarse á algunha das devanditas Acias.
Para o presidente da Mancomunidade de Concellos da Mariña e alcalde de Foz, Fran Cajoto, “é moi boa idea dispoñer dunha páxina web para unificar a todos os produtores agrícolas, pequenas familias e empresarios, xente que produce materiais de primeira calidade. Agora estase a falar moito de macrogranxas e o punto contraposto está aquí na Mariña, temos carne de primeira, temos peixe de primeira, temos produtos elaborados como precisamente a tarta da Zapata aquí en Foz, e hai moita xente que nos visita e que nos coñece e que despois quere seguir saboreando os nosos produtos todo o ano. Esta é unha moi boa iniciativa. Hai que agradecerlle a todas as administracións participantes e hai facer comarca igual que facemos co Plan de Sostibilidade Turística da Mancomunidade, que conta cun apartado para o turismo agroalimentario, igual que fixemos tamén co programa Degusta A Mariña, que tamén tivo gran acollida, e agora unha páxina web na que poidamos mercar desde os nosos fogares e nos chegue á porta da casa simplemente usando o teléfono móbil é unha gran nova”.
Cajoto animou “aos produtores a que se sumen, a que non deixen de subir os seus produtos e a actualizar e que funcione ben. Estas ferramentas están moi ben pensadas e ben ideadas, pero despois hai que darlles contido, ten que funcionar todos os días do ano e iso xa é un traballo arduo de todos os participantes. Temos que darnos a noraboa, pero non durmirnos para que A Mariña siga medrando”.
Ao acto desta mañá asistiron o director xeral de Comercio, Manuel Heredia, que dirixiu unhas verbas aos asistentes; o delegado territorial da Xunta en Lugo, Javier Arias; o presidente da Federación Galega de Comercio, José Mª Seijas; o presidente da Mancomunidade de Concellos da Mariña e alcalde de Foz, Fran Cajoto; e o presidente do GDR Terras de Miranda, Vidal Martínez. Deputados autonómicos e provinciais, representantes das Acias da Mariña e empresarios tamén se deron cita no Cenima este xoves.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
