Burela, 9 de febreiro de 2022. O voceiro do Grupo Municipal Popular, Manuel Rouco, explica que “a suspensión do mercado semanal dos venres de forma indefinida que anunciou o goberno do señor Llano se debe a unha nefasta xestión que trata de esconder dicindo que se suspende para adaptalo ás normas covid”. O popular asegura que se trata “dunha escusa un tanto cómica tendo en conta que estas mudaron de forma continua ao longo desta pandemia” e sinala esta situación como un exemplo “da ausencia de proxecto claro para Burela por parte do goberno do señor Llano”.
Rouco considera esta suspensión “insólita e inaudita” porque “non se lembra en Burela algo semellante salvo por mor dunha situación sanitaria grave ou dalgunha situación meteorolóxica perigosa”.
O voceiro popular alerta de que “isto supón non só unha falta de respecto aos profesionais do sector ambulante por avisalos con menos de 48 horas por teléfono e sen ningún tipo de reunión previa; senón tamén unha merma económica, sobre todo para aqueles comerciantes de produtos perecedoiros porque con este tempo de antelación xa teñen anticipada a stockaxe sen posibilidade de recolocalos”.
Decisións unilaterais
Rouco engade que “a caída do número de postos e de clientes no mercado dos venres non deixou de minguar dende que o goberno que preside Llano decidiu de forma unilateral trasladar o mercado cara a actual localización de Torrentes sen ningún tipo de consulta previa cos profesionais, cos comerciantes de Burela ou cos propios veciños”.
“O pasado venres, segundo fomos informados, producíronse diversos altercados no mesmo por mor do intento de reubicación dos postos. Unha vez máis, unha decisión tomada de forma unilateral polo goberno de Llano”, explica.
“A isto hai que sumar os paus nas rodas que tanto o goberno local coma o BNG convertido na súa muleta permanente non paran de poñerlle aos comerciantes ambulantes. Un exemplo é a negativa a condonar a taxa que regula o mercado tal e como sucedeu na meirande parte dos mercados da comarca e, outro, a total e absoluta ausencia de regulamento para o mesmo que xa hai uns 6 anos que o alcalde prometera sacar adiante”. Polo tanto, os populares auguran “unha catástrofe asegurada para este tradicional mercado para sempre funcionou como dinamizador económico e social da nosa vila”.
Os populares bureleses pregúntanse “ata cando teremos que padecer os veciños e veciñas de Burela este despropósito?”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
