Ribadeo, 21 de xaneiro de 2022. Última xornada de traballo da delegación, conformada por Concello de Ribadeo e Acisa, que estes días fai promoción dos potenciais turísticos ribadenses en Fitur. A Madrid viaxaron o alcalde, Fernando Suárez, o concelleiro de Turismo, Pablo Vizoso, a técnica de Turismo, Begoña García, e o xerente de Acisa, Jesús Pérez.
Dende o pasado mércores os representantes municipais e do empresariado ribadense están a mantear diferentes encontros de traballo con fin de potenciar a imaxe turística de Ribadeo. Estes días manteñen reunións de traballo con empresas turísticas, turoperadores e con diversas axencias de viaxes.
“Nesas reunións estamos a expoñer as liñas nas que levamos anos traballando co obxectivo de fidelizar visitantes, atraer novos segmentos de poboación e favorecer a desestacionalización do destino”, apuntan desde o Concello e Acisa.
E subliñan que “a labor está centrada na promoción dos diferentes produtos turísticos cos que contamos como as xeorutas, o Ribadeo Indiano, o Ribadeo Ilustrado,… entre outros, demostrando que somos un destino turístico 365 días ao ano con diversas experiencias de turismo vivencial. Tamén tentamos dar unha visión moito máis ampla da praia das Catedrais para expoñer todo o seu potencial e que este reverta na economía local”.
Desde a delegación ribadense desprazada a Fitur engaden que “a promoción de Ribadeo como paso do Camiño de Santiago está a ser unha liña de especial traballo de cara a este año santo 2022 por todo o que pode supor para o noso concello”.
Concello e Acisa mantiveron estes días xuntanzas co Clúster de Turismo de Galicia e tamén coa Asociación de Axencias de Viaxes de Galicia. Despois de 2 xornadas moi intensas de traballo, hoxe remata axenda coas últimas reunións e presentacións das que din “están a ser moi produtivas, de aí que esteamos moi satisfeitos co noso paso por Fitur 2022”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
