A Mariña, 25 de xaneiro de 2021. O Cenima, en Foz, acolleu esta mañá a presentación do Plan de Sustentabilidade Turística na Mariña Lucense 2022-2024. No acto participaron o presidente do ente, Fran Cajoto, o delegado territorial da Xunta en Lugo, Javier Arias, e delegado do Goberno en Galicia, José Manuel Miñones. Alcaldes, alcaldesas, concelleiros e concelleiras e a subdelegada do Goberno, Isabel Rodríguez, asistiron ao evento celebrado hoxe.
O presidente da Mancomunidade, Fran Cajoto, subliñou “o que supón para unha comarca como a nosa un impulso de 2.225.000 euros, que van incidir nun obxectivo moi claro, que é traballar na desestacionalización do turismo, conseguir xerar produto e que máis visitantes e un turismo de calidade se achegue a coñecernos, sobre todo apoiándonos no que temos e que hai que poñer en valor: o noso impresionante patrimonio natural, pois temos 9 cascadas, moi pretiño unhas das outras; lugares como a ría de Ribadeo, que é zona ZEPA, a propia ría de Foz,…; todo o interior, a serra do Xistral; temos un patrimonio arquitectónico que é envexable, como o Ribadeo indiano, a catedral de Mondoñedo, a basílica de San Martiño, o mosteiro de San Salvador, de Lourenzá, todo o casco histórico de Viveiro coas súas igrexas, Sargadelos, en Cervo, … E poderíamos estar citando máis e mellor opcións para ver e visitarnos. Apoiados tamén nunha gastronomía e nun clima que é o mellor que temos en España porque cando temos un cambio climático co que nos abafan as temperaturas a Costa Norte, cunhas temperaturas estables e suaves durante todo o ano, e agora co soliño un día coma hoxe, invita a vir aquí”.
E engadiu: “teño que agradecerlle tanto á Secretaría de Estado de Turismo como á Xunta de Galicia e tamén á Deputación de Lugo a aposta que fixeron por esta comarca porque souberon ver o potencial que nós somos conscientes que temos e que agora esperamos desenvolver”.
Tania Hermida, técnica de Turismo da Mancomunidade, na súa intervención dixo que “a xustificación do Plan de Sustentabilidade Turística na Mariña Lucense 2022-2024, que se presentou, ven dado pola presenza no territorio de moitas áreas rurais que están en proceso de despoboamento e que contan con recursos ata o de agora escasamente postos en valor, cun potencial turístico susceptible de aproveitamento, pero con déficit na xestión turística pola carencia de recursos humanos e económicos do ente xestor coma dos concellos, ademais da perda continua de poboación (o 6,9 % nos últimos 10 anos), dándose o descenso máis forte nas zonas de interior. Aínda que o total dos municipios que conforman o destino turístico superan os 70.000 habitantes (en concreto ten 71.804), o certo é que este territorio presenta unha dicotomía entre a costa e o interior, posto que a maior parte da poboación concéntrase no litoral costeiro (79%) e os municipios ou zonas de interior presentan unha menor dinámica económica e, por tanto, un menor peso poboacional”.
Para Hermida “o obxectivo para por trazar un plan para impulsar o crecemento e a transformación do sector turístico na busca dun modelo máis competitivo, innovador e participativo e á vez recuperar a confianza na seguridade do destino”.
Para Fran Cajoto e Tania Hermida este plan “preséntase coma unha oportunidade de establecer un marco estratéxico de traballo a longo prazo para afrontar con éxito un desenvolvemento turístico sostible na Mariña Lucense”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
