Lugo, 28 de Xaneiro de 2022. O Goberno de Pedro Sánchez recupera o sistema público de pensións coa suba das mesmas. “É unha medida necesaria que contribúe a dignificar as pensións dos nosos maiores nesta provincia. Este incremento, que é efectivo a partir do 1 de xaneiro, beneficiará a 114.932 pensionistas lucenses, polo tanto con esta subida garantimos o poder adquisitivo das mesmas, a diferenza do que ocorreu co anterior mecanismo do PP, que as condenou a unha revalorización ridícula do 0,25%”, critican.
Así o dixeron hoxe en rolda de prensa, a Secretaria Provincial do PSdeG, Patricia Otero, xunto cos deputados no Congreso, Ana Prieto e Javier Cerqueiro, o senador César Mogo e a responsable da executiva provincial en materia de pensións, Isabel González. O incremento é do 2,5% para as pensións contributivas, e do 3% para as mínimas e non contributivas e beneficia a máis de 11,5 millóns de persoas no conxunto do Estado.
Patricia Otero remarcou que coa re valoración das pensións “comprobamos que hai outro xeito de facer política”. Nesa liña lembrou as proclamas do PP nas que sinalaba que era imposible vincular a revaloracion das pensión co IPC, “pois hoxe podemos comprobar que si é posible”. Por iso argumentou que o PSOE “blindou por lei a revaloración das mesmas conforme ao IPC, para que os nosos pensionistas poidan ter unha estabilidade, que fora aniliquilada polo PP coa súa reforma”.
A secretaria provincial tamén aludiu as declaracións de Pablo Casado, nas que anunciou que ía recorrer a derrogación desta reforma das pensións, si chegaba a gobernar. Por iso pregunta “Feijóo e Candia van a apoiar este posicionamento de Pablo Casado de volver a recortar pensións aos nosos xubilados na nosa provincia?”. E insistiu “está dacordo o PP lucense en recortar os dereitos aos pensionistas de Lugo”, replicou.
Os pensionistas merecen unha explicación por parte do PP
Cesar Mogo puntualizou que 114.932 pensionistas lucenses incrementaran as súas pensións na nosa provincia coas políticas progresistas do Goberno de Pedro Sánchez. Pero advertiu “os senadores lucenses do PP en Madrid votaron en contra desta reforma, polo tanto non querían que os pensionistas de Lugo cobrarán a subida do IPC. Por iso, teñen que explicar a cada lucense porque eran partidarios de que perderan 1.300 euros ao ano. Creo que esta provincia merece unha explicación, e teñen que aclaralo diante da cidadanía”, insistiu.
Ana Prieto remarcou que “non só se aprobou a actualización das pensións deste ano, senón tamén un pago que compensa a desviación da inflación en 2021. Así, as pensións de 2022 revalorízanse co IPC medio de 2021, segundo o acordado cos axentes sociais, e cada pensionista percibirá unha paga equivalente ao 1,6% pola diferenza entre a revalorización realizada (0,9%) e a inflación de 2021 (2,5). %). De media, supón un pago de 250 euros por cada pensionista”.
Javier Cerqueiro expuxo que “pasamos dunha reforma das pensións que conxelaba o poder adquisitivo dos pensionistas, a unha reforma que os aumente e dignifica. Pasamos dun sistema imposto a outro pactado no ámbito do diálogo social e do Pacto de Toledo. Derrogamos o factor de sustentabilidade 2013 do PP que provocou unha perda de poder adquisitivo dos pensionistas”.
Os socialista sinalan que En 2014, 2015, 2016 e 2017 as pensións só aumentaron un 0,25% ano mentres que a inflación acumulada no mesmo período foi dun 3%, segundo datos do INE. Isto causou un millón e medio os xubilados estaban en risco de pobreza trala reforma de Pensións do PP. Durante os gobernos de Pedro Sánchez, as pensións as cotizacións aumentaron segundo o IPC, pero, ademais, pensións mínimas e pensións non contributivas aumentou un 3% durante os anos 2018 e 2019, así é aumentou por riba do IPC como medida para combater o risco de pobreza daqueles pensionistas con menores ingreso.
As cifras na provincia de Lugo
Segundo as ultimas cifras feitas publicas polo Instituto Nacional da Seguridade Social na provincia de Lugo hai un total de 114.932 pensionistas. Do cales, 27.849 son persoas con pensións de viudedade, outros 72.255 por xubilación, 10.768 por incapacidade permanente, 3.061 por orfandade e por último, 999 lucenses reciben unha pensión por favor de familiares. A pensión na nosa provincia oscila entre 828,11 euros, e sobre a media nacional chega ao 76.5%, incrementándose a súa cuántia nun 6% con respecto a este mesmo mes de xaneiro do ano 2021.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
