Viveiro, 18 de xaneiro de 2022. A Deputada Autonomica do PSdeG-PSOE na provincia de Lugo, Patricia Otero, rexistrou unha bateria de iniciativas parlamentarias para reclamar ao PP, dotar dos medios humanos, materiais necesarios e suficientes ao centro de saúde de Viveiro, para que teña a capacidade asistencial que ten asignada e recupere os servizos que foron suprimidos ou mermados nos últimos tempos.
Asi o dixo tras manter unha xuntanza de traballo coa Alcaldesa de Viveiro, Maria Loureuro, na que analaizaron as o desmantelamento sanitaria que sofre a vila. Advirten que “este centro chegou a tal punto tan caótico que durante varios días chegou a contar só cun único médico, para atender a case 16.000 veciños e veciñas”.
Otero denuncia que “dende hai moitos anos tanto dende o Concello de Viveiro, como os profesionais sanitarios e os usuarios, levan denunciando a falla de medios humanos e materiais, e solicitanto que se cubran as baixas para ter unha atención primaria de calidade. E ademais, tamén reclaman melloras para os profesionais sanitarios, xa que en moitos momentos teñen que atender unha media diaria de 90 a 100 pacientes”.
Agora, en plena sexta ola da covid-19, este centro atópase nunha situación caótica. Na semana pasada chegaron a faltar 3 dos 7 médicos da quenda da mañá, o que implicou entre outros problemas, a que se chegasen a aprazar moitísimas citas e que como denunciou algún paciente en prensa …. “ O problema máis gordo é que non te avisan, sábelo cando chegas ao centro de saúde despois de desprazarte”. Ademais os usuarios están tardando ata 16 días para conseguir citas médicas.
Recortes no centro de saúde de Viveiro dende fai 12 anos
O desmantelamento dos servizos de Atención Primaria no concello de Viveiro véñense padecendo e denunciando dende hai moitos anos. O centro de saúde e o PAC de Viveiro sofren dende hai moito tempo os 12 anos de recortes na sanidade por parte do PP. O centro de saúde de Viveiro, como tantos outros da provincia de Lugo e do resto de Galicia son o exemplo do ataque, que a Xunta de Galicia, fai cara á Atención Primaria, base do sistema asistencial para construír unha sanidade próxima e de calidade.
Non é un problema puntual
Só poñer algúns exemplos da falla de médicos deste centro de saúde que demostran que se trata dun problema estrutural e non puntual:
-No verán do ano 2018, moitos dos pacientes da quenda de tarde quedaban sen atender por faltas de médicos neste centro de saúde, xa que dos tres médicos que traballan nesa quenda en moitas ocasións só había un. Ademais na quenda da mañá, sen cubrir todo o verán dúas prazas de médicos. O que amosa unha política irresponsable de non cubrir o persoal.
-A finais de 2019 os pacientes denunciaban que tardaban semanas en coñecer os resultados de probas e analíticas posto que, aínda que tiñan citas concertadas, non había médicos substitutos e as mesmas citas eran anuladas.
-Ao longo de 2021 foron numerosas as ocasións en que dos 7 médicos da quenda da mañá só había dous nesta quenda e outro para as urxencias. Ao longo do verán, na quenda de tarde, que conta con tres médicos, houbo días en que non había ningún persoal facultativo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
