Lugo, 14 de xaneiro de 2022. A directiva provincial do PP mantivo o pasado xoves a súa primeira reunión deste ano. A presidenta provincial, Elena Candia; o secretario xeral, Javier Nodal, e o coordinador xeral e voceiro, José Manuel Balseiro, deron a coñecer o inicio dos congresos das agrupacións locais, co obxectivo de fortalecer a estrutura do partido para alcanzar os grandes obxectivos establecidos, entre eles a recuperación dos gobernos da Deputación e do Concello de Lugo.
A presidenta provincial, Elena Candia, sinalou que o PP lucense comeza o ano máis forte, reilusionado e traballando para mellorar a organización “para conseguir os nosos obxectivos”. A directiva tivo un recordo especial para Manuel López, o concelleiro lucense e membro da directiva recentemente falecido.
Candia deu a coñecer “os vindeiros congreso locais que están fechados e que se celebrarán nos próximos días, co obxectivo de que as agrupacións locais estean máis fortes, con máis xente e mellor organizadas”. Sinala que “en todas as estruturas dende os concellos máis pequenos, dende as agrupacións con menos militancia ás máis grandes, precisan estar perfectamente organizadas e sumar para convencer”.
A presidenta provincial explicou: “O primeiro congreso celebrase hoxe, no concello de Friol, ás seis da tarde. Tamén se celebrarán o sábado, 22, en Baralla; o mércores, 26, en Muras; 28, en Sober, Sábado, 29, no Páramo; venres, 11, en Baleira, e o sábado, 12 de febreiro, en A Fonsagrada. Temos que poñer en marcha os equipos para abordar nas mellores condicións as vindeiras citas electorais, moi especialmente para atender ás demandas dos veciñas e veciñas. Tamén para a defensa da nosa provincia nos asuntos que máis preocupan, porque o Partido Socialista está sendo destrutor para a provincia de Lugo”.
Pola súa parte, Javier Nodal destacou que “un dos obxectivos que se fixou esta dirección é o de recuperar a Deputación provincial. É necesario levar a cabo o cambio político”. Outro obxectivo prioritario é “recuperar o goberno do Concello de Lugo, no que dende 1999 goberna o PSOE, xunto co BNG”. No Concello de Lugo ve “unha ineficacia evidente; o problema é de falta de dirección política, xa que os traballadores teñen un alto nivel de formación e están implicados nas súas tarefas diarias”.
Por outra banda, Nodal destacou que “outro dos obxectivos é a apertura da sede do PP aos colectivos e as persoas da sociedade civil que teñen algo que aportar”. Lembrou que xa deu unha conferencia Marta Pinillos e anunciou que “o 27 estará Manuel Arenilla Sáez, catedrático da Universidade Rey Juan Carlos, funcionario de carreira do Corpo Superior de Administradores Civiles do Estado e que foi director do Instituto Nacional de Administración Pública, que falará de La Administración Digital. Los riesgos de la desintermiediación, las escisiones y las centralizaciones.
Polo seu lado, José Manuel Balseiro destacou que se inicia un tempo de congresos de reunións pola provincia. Sinalou: “Isto vén a reforzar ao partido, que é o máis importante que hai, porque nas institucións estase ou non se está, pero o partido ten que continuar. Un partido forte dá seguridade ás institucións”.
Das iniciativas dadas a coñecer, Balseiro dixo que se trata de “organización e planificación”. Engadiu: “Ter un mes adiantado todos os actos que se van celebrar na provincia, ou boa parte deles, é moi importante. Isto fortalece o partido, e a forma de facelo e facendo novos equipos, complementando xuventude con experiencia para que as cousas funcionen”. Manifestou: “A pretensión do partido é conservar todas as alcaldías que ten e ganar todas as que se poidan ganar a maiores”. Destacou que “calquera concello é importante para calquera partido, dende o de Negueira de Muñiz ao de Lugo”. Engadiu: “É o momento de fortalecer o partido; non toca falar de candidatos, sería un erro porque estamos a ano e pico das eleccións. Para poder falar de candidato este é o primeiro paso: hai que fortalecer o partido e cando estea ben fortalecido nas agrupacións, entre todos elixiremos aos candidatos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
