Burela, a 3 de xaneiro de 2022. O Grupo Municipal Popular de Burela lamenta que “o goberno local do señor Llano teña sen cubrir 49 expedientes referidos a outras tantas persoas que solicitaron o Servizo de Atención no Fogar (SAF) en Burela”. O voceiro, Manuel Rouco, explica que “o caso tórnase dunha gravidade maiúscula no caso das 3 persoas con dependencia total e das 12 con dependencia severa entre esas 49 persoas que se atopan sen asistencia”.
“Cónstanos que esta situación non é debida á labor desempeñada polas técnicas municipais encargadas deste servizo no Concello; xa que dende hai moitos anos están a realizar un traballo excelente. Por iso, non podemos entender por que dende a concellería de servizos sociais, dirixida por María del Carmen López, non se solicita a colaboración da Xunta de Galicia para que se concedan máis horas mensuais para estas persoas”. A este respecto, defenden “a importancia da colaboración entre administracións para facilitar a atención ás persoas que o precisan para poder desenvolver con certa normalidade a súa vida diaria”.
O voceiro cre que, “igual que se fixo noutros concellos similares a Burela, a Xunta de Galicia non vai poñer ningunha traba para atender ás 49 persoas que o solicitaron e que, ata agora, non contan co servizo. Pero, para iso, é necesario que o Concello solicite á Xunta máis horas de atención”, incide Rouco.
Os populares bureleses cren que “non hai mellor inversión que facelo nas persoas” e, polo tanto, cren que sería oportuno que dende o goberno local presentaran canto antes un proxecto para que, de inmediato, os veciños e veciñas de Burela que agora están desamparados, teñan a cobertura deste servizo que merecen”.
Horas asignadas e achegas da Xunta
O Grupo Municipal Popular explica que a Xunta incrementou 4.044 as horas asignadas ao Concello de Burela que permitirán estender o SAF a máis fogares e aumentar o número de horas das persoas que xa dispoñen desde servizo.
Rouco destaca, así mesmo, que “a Xunta acaba de incrementar tamén a contía coa que financia a hora de axuda no fogar ata os 11 euros por hora, que medrará progresivamente ata alcanzar os 12 euros por hora no 2024”. Así, o Goberno autonómico achegará ao Concello neste 2022 un total de 416.196 euros para financiar o total de 37.836 horas asignadas ata o de agora.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
