Santiago de Compostela, 18 de xaneiro, 2021. A viceportavoz do BNG, Olalla Rodil avanzou os temas que serán debatidos no vindeiro pleno do Parlamento entre os que destacou, a situación na que se atopa a sanidade pública galega, especialmente a Atención Primaria con centros colapsados pola falta de persoal e sobrecarga da sexta onda da pandemia.
Neste sentido, indicou que o conselleiro de sanidade comparecerá na vindeira sesión plenaria, despois de 14 días e de telo solicitado o BNG na Deputación Permanente, 14 días, dixo, despois de que o Partido popular “vetase” esa comparecencia, e despois de 14 días de “colapso” en todos os centros de saúde.
Nesta liña, a portavoz nacional do BNG preguntará a Feixóo sobre esta situación de colapso na Atención primaria e polas medidas de reforzo para garantir o dereito dos galegos e galegas a saúde.
Dende o BNG, explicou, xa advertimos das consecuencias da política de recortes do Partido popular dende máis dunha década”, situación agravada dende hai dous anos pola COVID 19 ante a falta de recursos e persoal e preguntou que fixo o Partido popular ademais de “seguir recortando” mesmo no orzamentos xa en vigor para o ano 2022 coa redución da partida orzamentaria da Atención primaria ou parar a actividade ordinaria en 14 centros do sur de Galiza a pesar de que as persoas continúan enfermando “no só da COVID”.
Rodil criticou a medida de utilizar a persoal xubilado e aplicar a estratexia para que sexan as propias persoas as que realicen o auto test na súa casa, o seguimento a ti mesmo e darse de alta e de baixa na Seguridade social, “tamén dende a túa casa”. En opinión da deputada, estas medidas conducen a un maior deterioro da sanidade, xa tocada gravemente polos continuos recortes.
En segundo termo, o BNG interpelará ao conselleiro e vicepresidente segundo da Xunta sobre a crise industrial que “atravesa Galiza de Norte a Sur” dende hai anos e que afecta a todos os sectores industriais e comarcas galegas máis dinámicas demográfica e economicamente.
“Desde A Mariña co peche de Vestas e a parálise das cubas en Alcoa San Cibrao despois de que os gobernos español e galego deixasen SÓS, completamente SÓS e aos pés dos cabalos os traballadores”, o sector naval “en caída libre” despois dunha década de falsas promesas e moita máis propaganda; a automoción nun ERTE permanente e unha ristra de empresas que pecharon ou marcharon cos centros de produción para outros países como: POLIGAL ou SIEMENS GAMESA, son algúns dos exemplos da política industrial do goberno galego.
“Un país sen industria é un país sen futuro” subliñou Rodil e mentres a nosa industria esmorece e a Xunta leva máis dunha década de brazos cruzados vendo como vai achicándose, facéndose cada vez máis pequena, “o PP non foi quen desde a Xunta de impedir que pechase nin unha soa empresa nos últimos anos. Nin unha soa”.
Por outro lado, esta crise industrial estendese a outros sectores produtivos fundamentais como a agricultura e gandería, algo sobre o que tamén debateremos neste pleno, a través dunha Proposición non de lei do BNG sobre crise no sector cárnico.
Mentres o PP está dedicado a facer seguidismo da estratexia, que lle manda o seu xefe de filas, o Sr. Casado desde Madrid, na eneísima polémica que debe ser a que toca este mes e non aporta nada a Galiza, dende o BNG estamos centradas en defender os intereses de Galiza e das gandeiras/os galegos que piden e reclaman, “poder vivir dignamente do seu traballo garantindo prezos xustos en orixe para algunhas das explotacións que producen algunhas das carnes de vacún máis importantes e de calidade do mundo como é o selo Tenreira galega”.
Esas persoas, recalcou, Rodil, no só están a vender por debaixo dos custes de produción e que case están pagando por traballar e isto é “inadmisible” en calquera país” que se precie, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
