A Mariña, sábado 29 de xaneiro 2022. Na mañá de hoxe o BNG mantivo en Foz un encontro coas confrarias de pescadores da Mariña no que as deputadas Rosana Pérez, portavoz da área de pesca no Parlamento, Carmela González, o deputado mariñao Daniel Castro, o responsable comarcal da organización Antonio Veiga e o portavoz municipal en Foz Iago Villamil escoitaron as demandas do sector pesqueiro, especialmente no que afecta á baixura, representado na reunión por patróns maiores e vicepatróns das confrarías, e ao mesmo tempo deron conta de iniciativas relacionadas co sector presentadas polo BNG nas diferentes institucións.
Durante este econtro puxéronse enriba da mesa moitas das problemáticas que afectan a este sector, vital para Galiza e vital para A Mariña, como as cotas de pesca, o Brexit, o relevo xeracional, as titulacións e a formación pesqueira, a supresión de axudas ao combustible, o regulamento europeo de pesca e a eólica mariña, entre outras.
Regulamento europeo de pesca: innecesario porque aquí o sector está supercontrolado
A respecto do regulamento europeo de pesca o BNG considera que a actividade pesqueira da baixura, así como a marisqueira, é o sector da pesca mais vixiado e controlado de toda Europa pois está suxeito a cotas máximas de capturas, polo que é un sector que xa conta con medidas de supervisión, inspección e vixilancia que garanten a súa sostibilidade.
Por este motivo o Bloque coincide coas confrarías ao considerar que aumentar os controis é innecesario e defende que Galiza debe exercer as súas competencias sen o control doutras administracións. Neste sentido, Daniel Castro apuntou tamén que “o BNG leva meses manifestando a súa oposición á obrigatoriedade de que todas as embarcacións de mais de catro metros teñan que estar xeolocalizadas e con cámaras a bordo para controlar a obriga do desembarque das capturas”
Eliminación de subvencións aos combustibles: unha medida lesiva para a nosa flota, especialmente a de baixura
Outro dos temas que preocupan ao sector son tamén determinadas normativas coma a proposta da U.E. e da OMC mediante a cal se pretende que o Estado Español prohíba subvencións á compra de combustibles ou a cubrir os seus costes, a través do paquete de medidas “Fit for 55” para acelerar os obxectivos do Pacto Verde Europeo, diante do cal o BNG xa propuxo no Congreso dos Deputados iniciar accións contra esa proposta da Comisión Europea para evitar os efectos negativos na flota galega, e facer valer o carácter de país altamente dependente da pesca de Galiza.
Eólica mariña
A respecto dos proxectos de instalación de eólicos no mar, a deputada, Rosana Pérez remarcou que a postura do BNG é “declarar non apta a costa galega para a instalación de parques eólicos mariños ante as características de singularidade da frota galega”. Neste sentido, lembrou que o PP e PSOE “abriron a porta á eólica mariña” a pesar de que o propio Parlamento europeo xa se pronunciou sobre a consecuencias negativas que ten para a pesca a instalación de aeroxeradores no mar”. Manifestou tamén o apoio do BNG ao “Manifesto de Burela” no que as confrarías galegas e do Cantábrico rexeitan a instalación de eólicos na nosa costa porque os proxectos de implantación de enerxía eólica mariña aquí non son compatibles cos usos existentes, nin coa escasa plataforma continental destas costas, que difire totalmente doutras zonas marítimas como o Mar do Norte ou o Mar Báltico.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
