Ribadeo, 7 de xaneiro de 2022. O alcalde, Fernando Suárez, e a subdelegada do Goberno en Lugo, Isabel Rodríguez, supervisaron as obras rematadas no cruce das Catro Calles e achegáronse ata a rúa Antonio Otero, onde nos próximos días darán comezo os traballos de mellora deste vieiro, no treito comprendido entre a Biblioteca Municipal e o porto. O investimento ascenderá a máis de 84.000 euros e o prazo de execución será de 2 meses.
O rexedor dixo que “a subdelegada do Goberno na provincia de Lugo, Isabel Rodríguez, sempre é benvida en Ribadeo; non é a primeira vez que vén aquí e valoramos moito a súa presenza. E ademais neste caso supervisando unhas obras xa feitas nestes días e visitando os lugares onde se van facer outras agora, a principios de ano, como na rúa Antonio Otero, na continuación das Catro Calles, neste cruce que fixemos nas últimas semanas. Despois do Nadal vamos empezar con forza en toda esta parte do casco vello, desde aproximadamente a biblioteca municipal cara ao porto, que é un treito que está deteriorado desde hai moitos anos e agora, por fin, ímoslle dar solución. Para iso utilizamos o diñeiro que temos da Área de Rehabilitación Integral (ARI) nestas partes de obra pública que financiamos entre o Concello de Ribadeo e o Ministerio”.
Suárez Barcia subliñou que “con estas iniciativas trátase de ir dinamizando o casco vello, como vamos seguir facendo agora con outros instrumentos, como a área Rexurbe. E esperamos ter máis recursos económicos porque aí tamén tanto a Xunta de Galicia como o Goberno do Estado teñen que seguir aportando; e esperemos que sexa moito, en cantidade e en calidade”.
O investimento realizado na mellora do cruce das Catro Rúas ascendeu a 23.000 euros.
Xunto a Fernando Suárez e Isabel Rodríguez estiveron os concelleiros de Obras e Medio Ambiente, Mónica Freire e Jorge Díaz, así como a edil socialista Marta Rey.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
