Serán uns 19 kms dende a praia de Serantes a Porcía.
ÚLTIMA HORA
- O Concello deulle á benvida a Sergio Alonso, sarxento 1º da Garda Civil, que se incorpora ao Cuartel de Ribadeo
- Últimos días para solicitar a participación nas actividades formativas do programa Da Escola á Granxa, da área de Rural da Vicepresidencia da Deputación
- Alfoz recibe unha subvención da Axencia de Turismo de Galicia para mellorar a sinalización turística
- Navia impulsa a renovación de varios parques infantís e biosaudables
- O Concello deulle á benvida a Sergio Alonso, sarxento 1º da Garda Civil, que se incorpora ao Cuartel de Ribadeo
Con el estiveron o alcalde, Dani Vega, a concelleira de Seguridade, Montse Seijo, e o xefe da Policía Local, Andrés Redondo. O rexedor subliñou que “o traballo conxunto e a colaboración entre a Garda Civil e a Policía Local de Ribadeo continuará coma sempre, para seguir facendo da nosa vila un lugar seguro para as nosas veciñas e veciños e para o colectivo empresarial”. - A Garda Civil detivo a dous veciños de Lugo como supostos autores dun delito de roubo de cobre en Trabada
A investigación policial iniciose tras ter coñecemento de que o pasado mes de febreiro os presuntos autores accederon, tras violentar os peches e ocasionar outros danos pendentes de valoración, a varios contedores situados en Trabada, lugar onde se está construíndo un parque eólico. Neste ilícito os presuntos autores subtraerían ao redor de 600 kgs de cable de cobre, estimándose a suma do importe do material roubado nuns 11.000 euros. As dilixencias policiais foron remitidas ao Xulgado de Garda de Mondoñedo. - Amadores da Música, que preside Elisa Álvarez Amor, celebrará asemblea xeral ordinaria de soci@s o día 26 deste mes, sábado, no salón de actos da Casa do Mar, de Ribadeo
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións. - Cariño continúa ampliando a súa oferta de actividades dentro da programación especial de Semana Santa, organizando unha xornada de iniciación á calistenia
Esta actividade, que terá lugar o mércores 16 de abril no Parque de Calistenia situado no Paseo Marítimo de Cariño, está destinada a persoas maiores de 14 anos. Será totalmente gratuíta e non haberá que realizar inscrición previa para poder participar. A actividade desenvolverase en dous horarios diferentes, cunha sesión de mañá de 11:00 a 13:00 horas e outra de tarde de 16:30 a 18:30 horas. - O deputado de Mocidade Daniel García participou na entrega de premios do Torneo Minibasket M&W, organizado pola Asociación Deportiva Drocer e o CB Celtas de Foz coa colaboración da Vicepresidencia da Deputación
O torneo, que se disputou durante a fin de semana en pavillóns de Foz e Burela, reuniu 230 xogadoras e xogadores entre os 8 e os 12 anos entre Foz. Ademais de equipos do Celtas de Foz o do CB Burela, participaron na actividade equipos de Ensino (Lugo), Sanxillao (Lugo), Franciscanos (Lugo), Bezana (Cantabria), Gremlims (Pontevedra), Depordima (Orense). - Segundo aniversario de Guía tu día
Ana Pena, natural de Foz, veu cumprido o seu soño de traballar como guía turística na Mariña. A súa empresa Guía tu día acaba de cumprir o segundo aniversario. "Estou moi feliz de continuar a desenvolver a miña profesión na comarca onde nacín e contribuír a que a xente se leve un bo recordo". Durante o ano traballa con varias axencias e grupos organizados, pero tamén deseña os seus propios paseos guiados tanto culturais como naturais para que poida asistir calquera persoa que teña interese. - O próximo 26 de abril ás 20:00, o Centro Cultural Santa Emilia, de Mondoñedo, acolle o recital “Tres Haydn Intemporales”
Será a cargo do pianista Juan Rezzuto, referente internacional da interpretación clásica. Un programa de alto nivel, nun marco que equilibra tradición, estética e carácter galego. Venda de entradas: https://santaemilia.es/producto/noche-de-cultura-en-santa-emilia/
2021 Crónica 3 A Mariña - Implementado por GaliciaDigital